Bul týraly Prezıdenttiń bapasóz hatshysy Berik Ýálı Facebook paraqshasynda jazdy.
Prezıdent Qasym-Jomart Toqaev jyl basyndaǵy Úkimettiń keńeıtilgen otrysynda azamattardyń ótinishterin esepke alý isin jetildirýdi tapsyrdy.
«О́tinish berýshilermen aradaǵy jumys sapasyn arttyrý úshin jańa «E-ótinish» aqparattyq júıesin jáne «Nátıje» ortalyqtaryn ashýǵa tapsyrma berildi. Atalǵan júıe 1 shildege deıin barlyq memkelekettik organdarda iske qosylýy tıis», degen bolatyn Prezıdent.
Prezıdenttiń baspasóz hatshysy Berik Ýálıdiń aıtýynsha, «E-ótinish» aqparatty júıesi men halyqqa qyzmet kórsetý ortalyqtary janynda «Nátıje» jobasy 1 shildeden bastap jumysyn bastady.
«E-ótinish» júıesi ótinishterdi qaraýǵa baılanysty artyq bıýrokratııalandyrýdy boldyrmaıdy jáne azamattarǵa óz ótinishteriniń memlekettik organdarda qaralý barysyn qadaǵalaýǵa múmkindik beredi», dep jazdy Prezıdenttiń baspasóz hatshysy feısbýk paraqshasynda.
Búginde bul aqparattyq júıege 38 myńnan astam memlekettik organdar men uıymdar qosylyp, 160 myńnan astam qyzmetker jumys isteıdi.
«Barlyq «Azamattarǵa arnalǵan úkimet» kommersııalyq emes aksıonerlik qoǵamynyń bazasynda ótinishterdi qabyldaıtyn jáne azamattarǵa ótinishti rásimdeý kezinde konsýltasııalyq kómek beretin 259 «Nátıje» ortalyǵy quryldy», dep jazylǵan habarlamada.
