«Parasat bıigi» atty eńbektiń tanystyrylymyna zııaly qaýym ókilderi men jastar jınaldy. Jańa kitapty jınap, zerdelep qurastyrǵan – belgili qalamger Esbolat Aıdabosyn. Baspadan shyǵýyna oblys ákimi Amandyq Batalov demeýshilik etipti.
Jınaqtyń mazmuny úsh bólikten turady. Alǵashqysyna Beısen Quranbektiń maqala reportajdary bolsa, ekinshisine suhbattary, sońǵysyna rýhanı oı tolǵamdary toptastyrylǵan.
Jıynǵa qatysqan zııalylar men Beısen Quranbektiń zamandastary, shákirtteri qaıratkerdiń ómir joly men eńbekteri týraly estelikter aıtty. Sapaly qazaq qalyptastyrý ıdeıasy óz jalǵasyn tapsa degen nıetterin ańǵartty. Úlkender jastardy Beısenniń bıigine talpynýǵa nasıhattady.
500 tırajben shyqqan jańa kitap tegin úlestirilmeıdi, satylady. Alaıda, onyń naqty baǵasy joq, oqyrman týyndynyń qunyn shama-sharqynsha ózi baǵalaıdy. О́ıtkeni qaıyrymdy jannyń kezekti eńbegimen jınalǵan qarajat ta túgeldeı qaırymdylyqqa jumsalmaq.
