OPEK+ elderiniń mınıstrleri jeksenbi kúngi kezdesýinde bir saǵatqa jeter-jetpes ýaqytta munaı óndirisin osy jyldyń sońyna deıin qalpyna keltirý týraly, sondaı-aq kelisimdi 2022 jyldyń sońyna deıin uzartý týraly sheshimdi maquldady. Kezdesý qortyndysy týraly derekter OPEK veb-saıtynda habarlanǵan.
Sonymen birge, 2022 jyldyń mamyrynan bastap keıbir elder úshin kelisim óndiristiń bazalyq deńgeıine túzetý engizedi. Máselen, Reseı men Saýd Arabııasy úshin bul 11-den 11,5 mıllıon barrelge, BAÁ úshin - 3,17-den 3,5 mıllıon barrelge, Irak úshin - 4,65-ten 4,8 mıllıon barrelge / s deıin, Kýveıt úshin - 2,8-den 2,96 mıllıonǵa deıin kóbeıtiledi.
Qorytyndy kommıýnıkede OPEK+ elderi munaı óndirisin «naryqqa 5,8 mln barrel qaıtarylǵanǵa deıin» 0,4 mln barrelge ulǵaıtýǵa nıetti ekeni aıtylǵan, ony 2022 jyldyń qyrkúıegine deıin oryndaý josparlanyp otyr. Alaıda, 2021 jyldyń jeltoqsanynda bul jospar qaıta qaralýy da ábden múmkin.
OPEK+ elderiniń kelesi kezdesýi 2021 jyldyń 1 qyrkúıeginde ótedi.
