18 shilde kúni saǵat 20:23-te Aqtóbe oblystyq TJD kezekshi-dıspetcherlik pýltine polısııa qyzmetkerlerinen habarlama tústi. Qala turǵyny «Leksýs 350» markaly jeke avtokóliginiń salonyna benzın quıyp, esikterin qulyptap, óz-ózine qol salmaq boldy.
«Shaqyrtý ornyna shuǵyl túrde 8 adam men 2 tehnıka jiberildi. Oqıǵa ornyna kelgen boıda órt sóndirýshi-qutqarýshylar, azamattyq qorǵaý kishi serjanttary T.K. Syrymbetov pen A.R. Omarov kóliktiń artqy áınegin syndyryp, qalǵan qutqarýshylar kóbik shasha bastady. Osylaısha jedel ári tııanaqty áreket etý nátıjesinde 1983 jyly týǵan turǵyn qutqaryldy», dep habarlady oblystyq TJD baspasóz qyzmeti.
