Bul týraly Eńbek jáne halyqty áleýmettik qorǵaý mınıstrligi málimdedi.
Shymkentte 14 adamnan turatyn bolashaq jattyqtyrýshylardyń birinshi tobyn oqytý 19-23 shilde aralyǵynda ótedi.
Qajetti bilim men daǵdylardy ıgergennen keıin, olar 56 balamen otbasylarymen qosa aınalysady. Oqý kýrsyna materıaldardy beıimdeý, jattyqtyrýshylardy daıarlaý, mamandar men ata-analardy oqytý kiredi. Sondaı-aq damýynda kidirisi bar, onyń ishinde aýtıstik spektrdiń buzylýy baıqalatyn 2-9 jastaǵy balalardy kútip-baǵýmen aınalysady.
Kýrs maqsaty – ata-ana men balanyń ońtaıly ózara is-qımylyn damytý, olardyń arasyndaǵy qarym-qatynasty nyǵaıtý, beıimdelý daǵdylaryn damytý. Munymen qatar, joba júıkege salmaq túsetin kezderdi basqarý daǵdylaryn damytýdy kózdeıdi.
Esterińizge sala keteıik, CST – bul Dúnıejúzilik densaýlyq saqtaý uıymynyń ata-analarǵa damýy kesh nemese damýy artta qalǵan balalarǵa kútim jasaý daǵdylaryn úıretýge arnalǵan baǵdarlamasy. Onda minez-qulyqty qoldanbaly taldaý, damý týraly ǵylym, áleýmettik kommýnıkasııa is-sharalary, oń tárbıe jáne ózine-ózi qyzmet kórsetý ádisteri qaǵıdattary qoldanylady.
Sonymen qatar naqty jaǵdaıda ne isteý kerek, jaqyn bolashaqta qandaı mindetter mejelegen abzal degen sekildi eresek tarap pen balanyń ózara árekettesýiniń qadamdyq strategııalary bar.
