Qazaqstan • 19 Shilde, 2021

Bas múftı musylmandardy Qurban aıt merekesimen quttyqtady

56 ret kórsetildi

Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly qazaqstandyqtardy Qurban aıt merekesimen quttyqtady, dep habarlaıdy Egemen.kz muftyat.kz saıtyna silteme jasap.

 

«Qurmetti jamaǵat, qadirli otandastar!

Barshańyzdy ulyq meıram – Qurban aıttyń kelýimen shyn júrekten quttyqtaımyn! Aıt qabyl bolsyn! Sizderge amandyq pen saýlyq, birlik men bereke tileımin.

Baǵzy zamannan beri Islam dinin ustanyp kele jatqan halqymyz Qurban aıtty erekshe daıyndyqpen qarsy alady. Ulyq meıramda úlkenge qurmet, kishige izet kórsetý, kóńili jabyrqaǵan janǵa qýanysh syılaý, muqtaj adamǵa qurbandyq etin taratyp, saýap alý syndy izgi amaldar urpaqtan-urpaqqa jalǵasyp keledi.

«Qurban» sózi «jaqyn bolý», «jaqyndaý» degen uǵymdy bildiredi. Bul – shynaıy nıet pen Allaǵa degen súıispenshilikti pash etetin meıram. Ulyq merekeniń tárbıelik máni men maǵynasy osynda jatyr. Qasıetti Quranda: «Umytpańdar, olardyń eti de, qany da eshqashan Allaǵa jetpeıdi. Oǵan jetetin nárse – júrekterińizge uıalaǵan taqýalyqtaryń (shynaıy nıetteriń)» («Haj» súresi, 37-aıat), – delingen. Aıatta aıtylǵandaı, Qudaı jolynda jaqsylyq jasaýǵa nıettengen pende bul amaldy rııasyz oımen oryndaıdy.

Qarjylaı múmkindigi bar, əri jolaýshy emes musylmanǵa qurbandyq shalý – ýəjip, musylmandyq mindet. Al shamasy kelmegen adamǵa Alla Taǵala mundaı mindet júktemegen. Aıt kúnderi az da bolsa sadaqa berip, qaraýsyz qalǵan qarttarǵa, jetimder men kópbalaly otbasylarǵa kóńil bólý – saýapty is.

Adam balasy qurbandyq shalý arqyly Allanyń bergen rızyq-nesibesine shúkir etedi. Kómekke muqtaj janǵa qol ushyn berip, aınalasyna shýaǵyn túsirip, shapaǵatyn tıgizedi. Musylman qaýymyn meıirimdilik pen birlikke úndeıtin merekede barynsha jaqsylyq jasaýǵa tyrysaıyq. Ásirese álemdi sharpyǵan juqpaly dertten naýqastanyp, shıpa tilegen jandarǵa kómektesip, olarǵa duǵa etip qoıǵanymyz abzal.

Alla Taǵala elimiz ben jerimizdi, barsha adamzat balasyn túrli synaqtardan aman etip, jaqsylyǵy men berekesin násip etkeı. Shalǵan qurbandyqtaryńyz, bergen sadaqalaryńyz, aıt kúnderi amalǵa asyrǵan Allaǵa unamdy árbir ıgi isterińiz qabyl bolǵaı», delingen quttyqtaýda.

Sońǵy jańalyqtar

Pavlodarda taǵy da qus tumaýy tirkeldi

Aımaqtar • Búgin, 16:00

Urlanǵan 28 kólik tabyldy

Oqıǵa • Búgin, 15:11

Qazgıdromet aldaǵy qysqa boljam jasady

Qazaqstan • Búgin, 14:11

Atyraýda 23 adamdy shaıan shaqqan

Aımaqtar • Búgin, 13:35

Túrkistan oblysynda brakonerler ustaldy

Aımaqtar • Búgin, 12:40

Aqtaýda er adam bıikten qulap mert boldy

Aımaqtar • Búgin, 10:53

Sport jańalyqtaryna sholý

Sport • Búgin, 09:11

Bárimiz bir aspannyń astyndamyz

О́ner • Búgin, 09:10

Sýretshiler úıi ashyldy

Aımaqtar • Búgin, 09:08

Bal bulaq bolyp aqty

Aımaqtar • Búgin, 09:07

Ońaılyqpen em qonbaıdy

Medısına • Búgin, 09:05

Bárekeldi, Vıktorııa!

Sport • Búgin, 09:02

Taı elinde qola medal buıyrdy

Sport • Búgin, 09:00

Seısenbige arnalǵan aýa raıy boljamy

Aýa raıy • Búgin, 08:57

Mazmun men sapaǵa mán berilse

Bilim • Búgin, 08:55

Atyraý oblysy «sary» aımaqqa ótti

Koronavırýs • Búgin, 08:54

Uqsas jańalyqtar