Sport • 22 Shilde, 2021

Qazaqstan quramasynyń formasy Olımpıadadaǵy eń stıldi kıim dep tanyldy

402 ret kórsetildi

Qazaqstan quramasynyń Olımpıadalyq formasy Tokıo-2020-daǵy eń stıldi formalardyń biri dep tanyldy, dep habarlaıdy Egemen.kz Forbes-ke silteme jasap.

Qazaqstan quramasyna arnalǵan Tokıodaǵy Olımpıada oıyndarynyń formasyn daıyndaý kezinde sportshylarǵa dızaın, matalar men kıim elementterin tańdaý quqyǵy berilgenin atap ótken jón. Elimizdiń jetekshi sportshylary qańtar aıynan bastap Olımpıadalyq kıim-keshekterdi, jabdyqtaýlardy tańdaýǵa arnalǵan talqylaýǵa, prezentasııalar men kezdesýlerge qatysty.

«Qurama formasyn tigýge arnalǵan matalardy tańdaýǵa bárimiz qatystyq, eskızderdi talqyladyq, usynystar jasadyq. Olımpıada oıyndarynda formanyń tek syrtqy túri ǵana emes, sonymen qatar tıimdiligi de óte mańyzdy», deıdi dzıýdoshy, Rıo Olımpıadasynyń júldegeri Eldos Smetov.

Qazaqstan quramasynyń Olımpıadalyq formasynyń úlgisin Salta brendimen tanymal dızaıner Saltanat Baımuhamedova pishindep, tikti. Qazaqstandyq atletter úshin sporttyq formany ıspandyq Joma kompanııasy jasady.

«Olımpıadaǵa arnalǵan saltanatty formanyń dızaınyn qurastyrý jumysy maǵan senip tapsyrylǵanyna qýanyshtymyn. Buǵan meni olımpıadashylardyń ózderi shabyttandyrdy. Olar bul formany Olımpıada oıyndarynan keıin de kıim kıgisi keletinin aıtty. Otandyq dızaıner retinde Tokıoda bizdiń sportshylardyń progressıvti jáne zamanaýı kórinýin qaladym. Álemdik trendterdi nazaǵa ala otyryp, aldyma «sport-shık» stılindegi kıim qurastyrý maqsatyn qoıdym», dedi olımpıada formasynyń dızaıneri Saltanat Baımuhamedova.

Forbes.com habarlaǵandaı, Qazaqstandyqtardyń olımpıadalyq formasy Tokıo-2020-da eń stıldi dep tanyldy. Bul tizimge AQSh, Reseı, Lıberııa, Chehııa, Qytaı, Ońtústik Afrıka jáne Japonııa elderi de endi.

 

Sońǵy jańalyqtar

Sal-seriniń sońy

Qazaqstan • Búgin, 21:30

Jazda lager jetispeıdi

Qoǵam • Búgin, 21:27

GGG – CANELO: Er kezegi úshke deıin...

Kásipqoı boks • Búgin, 21:19

Alash ardaqtysyn túrki álemi ulyqtady

Ahmet Baıtursynuly • Búgin, 21:09

Shabandoz taqym qysyp oqıtyn jyr

Ádebıet • Búgin, 21:08

Shavqat jeńiske jetti

Sport • Búgin, 21:05

Maǵjannyń qarasózderi

Ádebıet • Búgin, 21:05

Saf aýadaǵy serýen

Egemen Qazaqstan • Búgin, 21:02

Uqsas jańalyqtar