Saıasat • 24 Shilde, 2021

QR Prezıdentiniń Arnaıy ókili Londonǵa is-saparmen bardy

48 ret kórsetildi

Qazaqstan men Ulybrıtanııa arasyndaǵy strategııalyq áriptestikti dáıekti túrde nyǵaıtýǵa degen ózara umtylys QR Prezıdentiniń Halyqaralyq yntymaqtastyq jónindegi arnaıy ókili Erjan Qazyhannyń Londonǵa sapary barysynda rastaldy, dep habarlaıdy Egemen.kz. Bul týraly QR SIM baspasóz qyzmeti málimdedi.

22-23 shildede ótken sapar sheńberinde Erjan Qazyhan Ulybrıtanııa Premer-Mınıstriniń Qazaqstandaǵy saýda ókili baronessa Emma Nıkolsonmen, BUU klımattyń ózgerýi jónindegi 26-shy konferensııasynyń (SOR26) máseleleri jaıynda Ortalyq Azııa boıynsha óńirlik elshisi Devıd Moranmen, Qazaqstanmen yntymaqtastyq jónindegi jalpypartııalyq parlamenttik toptyń tóraǵasy Bob Stıýartpen, Shyǵys Eýropa jáne Ortalyq Azııa isteri jónindegi Forın-ofısiniń basshylyǵymen, sondaı-aq Birikken Koroldik Parlamentiniń Qaýymdar palatasy men Lordtar palatasynyń birqatar depýtattarymen kezdesýler ótkizdi.

Kezdesý sheńberinde ekijaqty jáne kópjaqty formattaǵy yntymaqtastyqtyń ózekti máseleleri, sondaı-aq aldaǵy saparlar, qazaqstandyq delegasııanyń Brıtandyq Glazgodaǵy BUU SOR26 negizgi klımattyq sammıtine qatysýy, Qazaqstan-Brıtan strategııalyq dıalogynyń, Iskerlik keńesiniń jáne saýda-ekonomıkalyq yntymaqtastyq jónindegi Úkimetaralyq komıssııanyń kezekti otyrystary talqylandy.

Erlan Qazyhan Brıtandyq seriktesterdi Qazaqstanda júzege asyrylyp jatqan saıası jáne ekonomıkalyq reformalar baǵdarlamasynyń qazirgi damý barysymen jáne strategııalyq baǵytymen tanystyrdy.

Qazaqstandyq dıplomat QR Prezıdenti Q.Toqaevtyń Otandyq dıplomat Prezıdent Qasym-Jomart Toqaevtyń, «halyq únine qulaq asatyn memleket» tujyrymdamasyna sáıkes, elimizdegi jańǵyrtý ózgeristerin odan ári júzege asyrý baǵytynan taımaıtynyn erekshe atap ótti.

Brıtandyq áriptester QR basshylyǵynyń reformalar baǵdarlamasyn jalǵastyrý jáne tereńdetý jónindegi josparlaryn quptap, Ulybrıtanııanyń Qazaqstanmen strategııalyq áriptestikti odan ári damytýǵa daıyn ekenin rastady.

Brıtandyq tarap aǵylshyn quqyǵynyń qaǵıdattary men normalaryna sáıkes áreket etetin «Astana» Halyqaralyq qarjy ortalyǵynyń tabysty damýy eki memleket arasyndaǵy tıimdi yntymaqtastyqtyń mańyzdy jetistikteriniń biri bolǵanyn tilge tıek etti.

Kezdesý sońynda taraptar talqylanǵan máselelerdiń aýqymdy kesheni boıynsha ózara túsinistikke qol jetkizip, saýda jáne ınvestısııalar, «jasyl» energetıka men klımattyq ózgeristerge qarsy kúresý, ekijaqty qatynastardyń barlyq spektri boıynsha uzaq merzimdi seriktestikti odan ári nyǵaıtýǵa nıetterin bildirdi.

Sońǵy jańalyqtar

Pavlodarda taǵy da qus tumaýy tirkeldi

Aımaqtar • Búgin, 16:00

Urlanǵan 28 kólik tabyldy

Oqıǵa • Búgin, 15:11

Qazgıdromet aldaǵy qysqa boljam jasady

Qazaqstan • Búgin, 14:11

Atyraýda 23 adamdy shaıan shaqqan

Aımaqtar • Búgin, 13:35

Uqsas jańalyqtar