Foto: Olympic.kz
«О́kinishke qaraı, kezdesýdi toqtatýǵa týra keldi. О́tken aptada Lozannadaǵy týrnırde aıaǵymdy jaraqattap aldym. Biraz em alǵan soń, jaqsy bolyp qalǵanmyn. Búgingi kezdesý kezinde aıaǵym qaıtadan aýyra bastady. Sol sebepti, týrnırdi jalǵastyra almadym. Olımpıadanyń men úshin dál osylaı aıaqtalǵanyna qatty ókindim», dedi Zarına Dııas.
Tokıo Olımpıadasynyń birinshi aınalymynda qazaqstandyq tennısshi 2021 jylǵy «Rolan Garros» týrnıriniń jeńimpazy Barbora Kreıchıkovamen kezdesken bolatyn. Alaıda, birinshi sette 2:5 esebimen utylyp jatqan Zarına jaraqatyna baılanysty jarysty toqtatýǵa bel býdy.
