Osyǵan deıin amerıkalyq Djennıfer Iý, armenııalyq Elena Danıelıan jáne reseılik Alına Kashlınskaıanyń jolynan yǵystyrǵan Dınara Sádýaqasova shırek fınalda Aleksandra Gorıachkınamen sheberlik baıqasýda.
22 jastaǵy Orynbor óńiriniń týmasy kezinde túrli jas erekshelikteri boıynsha ótken álem birinshilikterinde bas júldeni oljalady. Basqa da kóptegen asa iri halyqaralyq jarystarda orasan zor tabystarǵa qol jetkizdi. 2019 jyly Qazanda uıymdastyrylǵan Úmitkerler týrnırinde aldyna jan salmaǵan Aleksandra álem chempıony ataǵy úshin talasý múmkindigine ıe boldy. Qytaıdyń maqtanyshy Szıýı Venszıýnge qarsy básekede keremet oıyn óregin kórsetken reseılik shahmatshy kezdesýdi taı-breıkke deıin jetkizdi. Alaıda sheshýshi tusta Aspanasty elinen kelgen arýdyń baǵy jandy. Qazirgi kezde Gorıachkına álemdik reıtıngte ekinshi satyǵa jaıǵassa, Sádýaqasova 18 oryndy ıelenýde.
О́zge shırek fınaldyq saıystar Nana Dzagnıdze (Grýzııa) men Anna Mýzychýk (Ýkraına), Aleksandra Kostenıýk (Reseı) pen Valentına Gýnına (Reseı) jáne Tan Chjýnı (Qytaı) men Ekaterına Lagno (Reseı) syndy oıynshylar arasynda ótýde.
