Saılaý • 26 Shilde, 2021

Azamattardyń belsendiligi aıqyn ańǵaryldy

25 ret kórsetildi

Elimizde alǵash ret ótkizilgen aýyl ákimderin tikeleı saılaý naýqanynda Jambyl oblysynan 38 aýyldyq okrýg boıynsha 122 kandıdat usynylyp, onyń ishinde 116 úmitker tirkelgen. Sondaı-aq ákimder saılaýyna túsýge ótinish bildirgenderdiń 20 paıyzyn áıel azamattar qurap otyr.

T.Rysqulov aýdanynyń Abaı, Tereńózek, Jańaturmys, Qoraǵaty, Qaraqystaq, Aqyr­tóbe, Qaıyńdy jáne О́rnek aýyldyq okrýgterinde 16 saı­laý ýchaskesi jumys istep tur. Nátıjesinde, aýdanda 8 aýyldyq okrýg ákimin saılaýǵa aýyl turǵyndary belsene qatys­ty. Máselen, Qaraqystaq aýy­lynyń turǵyny, kámelet jasyna bıyl tolǵan Shákárim Ábdi­málikuly alǵash ret №349 saılaý ýchaskesine baryp, óz tańdaýyn jasady. Sondaı-aq Jańaturmys aýylynyń 98 jastaǵy turǵyny, Uly Otan soǵysynyń ardageri Shal­dan­baı Shańbaev óz tań­daýyn jasaýmen qatar, úmit­kerlerge aq batasyn da berdi.

Jalpy, saılaýda T.Rysqu­lov aýdany boıynsha ár aýyl­dyq okrýgten 3 kandıdattan, barlyǵy 24 kandıdat baq synady. Onyń ishinde 9 kandıdat ózin ózi usyný jolymen saılaýǵa tússe, 7 kandıdat Nur Otan partııasynan jáne 8 kandıdat «Aq jol» partııa­synan usynylǵan. Bul saılaý naýqanyna 60 senimdi ókil tirkelgen. Baıqaýshylar da jumys istedi. Jańaturmys aýyl­dyq okrýgindegi №351 saılaý ýchaskesiniń partııalyq emes baıqaýshysy Ferýza Aq­buzaýova saılaýdyń joǵary deńgeıde ótip jatqanyn, daýys berýge halyqtyń belsendi túr­de qatysqanyn aıtty.

Jambyl aýdanynyń Asa, Aqbastaý, Ernazar, Jambyl jáne Qaratóbe aýyldyq okrýg­terinde ákim saılaýy boldy. Aýdan boıynsha aýmaqtyq saılaý komıssııasyna barlyǵy 21 kandıdat qujattaryn ótkizgen. Onyń ishinde Nur Otan partııa­synan – 4, «Adal» partııasynan – 1, «Aýyl» partııasynan –1, «Aq jol» partııasynan – 2, Qazaq­stan halyq partııasynan 3 azamat usynylǵan jáne 10 kandıdat ózin ózi usynǵan. Nátıjesinde, 15 kandıdat tir­kelgen. Olarǵa senimdi ókil men baıqaýshy bolýǵa 44 azamat óti­nish bildirgen. Ol azamattar aýmaqtyq saılaý komıssııasynan tıisti kýálikterin alǵan. Senimdi ókil retinde tirkelgen 44 azamattyń barlyǵy da vaksına saldyrǵan.

«Saılaý kezinde daýys berýshilerdiń belsendiligi joǵary boldy. Munda 2953 saılaýshy bar. Qaratóbe aýyl­dyq okrýgine úsh eldi me­ken qaraıdy. Saıası naý­qan kezinde 6 baqylaýshy ju­mys atqarýda. Saılaý óz deń­geıinde, qalypty jaǵdaıda ótýde. Túrli jaǵdaılarǵa baı­la­nys­ty 30 adam úıinen daýys­ berýge ótinish bildirgen», deı­di Jambyl aýdany Qara­tóbe aýyldyq okrýginiń Bek­tóbe eldi mekenindegi №162 saı­laý ýchaskesiniń táýel­siz baı­qaýshysy Raýshan Tólen­dıeva.

Baızaq aýdanynda Sary­kemer, Yntymaq jáne Kóktal aýyldyq okrýgterinde saılaý ótkizildi. Saılaý ýchaskeleri tıisti keńse taýarlarymen, jıhazdarmen, telefon jáne ınternet baılanysymen, taktıldi jolaqtarmen jáne ózge de qajettiliktermen qam­tamasyz etilgen. Saılaý ótetin oryndar tolyqtaı beınekameralarmen jabdyqtalǵan. Sondaı-aq aýdandaǵy barlyq saılaý ýchaskesi sanıtarlyq talapqa sáıkestendirilgen.

«Aýyl ákimderin saılaý Sarykemer aýylynda óz deń­geıinde ótýde. Aýyl tur­ǵyndary óz tańdaýyn laıyqty jasaıdy dep senemiz. Bul bas­tama­ǵa halyqtyń kózqarasy jaq­sy», deıdi Sarykemer aýy­lyn­daǵy №126 saılaý ýchas­kesiniń baıqaýshysy Amangeldi Tilepov.

Al Talas aýdanynda Bos­tandyq, Aqqum, Oıyq jáne Qyzyláýit aýyldyq okrýgteri boıynsha saılaý ótti. Saıası naýqan kezinde saıası partııalar da belsendilik tanytty. Máselen, Nur Otan partııasynan – 3, Qazaqstan halyq partııasynan – 3, «Aq jol» partııa­synan 2 úmitker usynylsa, 4 adam ózin ózi usynǵan. Ortasha básekelestik bir orynǵa 3 adam­nan aınaldy. Jalpy, aýdan boıynsha 12 kandıdat tirkel­gen.

Sonymen qatar Shý aýda­nyndaǵy О́ndiris, Qora­ǵaty, Jańaqoǵam aýyldyq okrýg­terinde 4 saılaý ýchaskesi ju­mys istedi. Aýdanda aýyldyq okrýg­terdiń ákimdigine 9 úmit­ker usynylǵan. Bul saılaý naýqanyna 30 adam senimdi ókil retinde tirkelgen. Sol sııaq­ty, oblystyń ózge de aýdan­darynda da saıası naýqan óz deńgeıinde ótti.

 

Jambyl oblysy

 

Sońǵy jańalyqtar

Kelisimde keleshek bar

Qoǵam • Keshe

Teńiz túısigi

О́ner • Keshe

Ańshylyq – asyl óner

Rýhanııat • Keshe

Uqsas jańalyqtar