Aýa raıy • 26 Shilde, 2021

Dúısenbige arnalǵan aýa raıy boljamy

29 ret kórsetildi

Qazgıdromet 26 shildege arnalǵan aýa raıy boljamyn jarııalady, dep habarlaıdy Egemen.kz.

Antısıklon jotasynyń áserinen Qazaqstan aýmaǵynyń basym bóliginde jaýyn-shashynsyz aýa raıy kútiledi. Tek elimizdiń soltústiginde, shyǵysynda jáne ortalyǵynda atmosferalyq frontaldy bólikterdiń ótýimen keı jerlerde naızaǵaı, soltústik-shyǵysta burshaq jáne daýyldy jel soǵady.

Respýblıka boıynsha keı jerlerde jeldiń kúsheıýi, ońtústik jáne ońtústik-batysta shańdy daýyl kútiledi.

Pavlodar oblysynyń keı jerlerinde naızaǵaı oınap, jel 15-20 m/s kúsheıedi, kúndiz burshaq, daýl kútiledi.

Túnde Aqmola, kúndiz Qaraǵandy oblystarynyń keı jerlerinde naızaǵaı kútiledi, Qaraǵandy oblysynyń keı jerlerinde jel 15-20 m/s kúsheıedi. Shyǵys Qazaqstan oblysynyń keı jerlerinde naızaǵaı jarqyldap, kúndiz jel 15-20 m/s kúsheıedi.

Kúndiz Túrkistan, Qyzylorda, Mańǵystaý oblystarynyń keı jerlerinde shańdy daýylmen jel 15-20 m/s kúsheıedi. Qostanaı, Soltústik Qazaqstan, kúndiz Jambyl oblystarynyń keı jerlerinde jeldiń jyldamdyǵy 15-20 m/s jetedi.

Jambyl oblysynyń keı jerlerinde, Mańǵystaý, Almaty, Túrkistan, Shyǵys Qazaqstan oblysynyń keı jerlerinde, Qaraǵandy oblysynyń ońtústiginde aptap ystyq saqtalady.

Qyzylorda, Túrkistan, Mańǵystaý, Jambyl oblystarynyń basym bóliginde, Almaty, Atyraý, Aqtóbe, Qaraǵandy oblystarynyń keı jerlerinde, Qostanaı oblysynyń ońtústiginde, Aqmola, Shyǵys Qazaqstan oblystarynyń jekelegen aýdandarynda tótenshe órt qaýpi týyndaıdy.

Sońǵy jańalyqtar

Vaksına saldyrǵandar sany artty

Koronavırýs • Keshe

905 adamnan koronavırýs anyqtaldy

Koronavırýs • Keshe

Uqsas jańalyqtar