Bilim • 27 Shilde, 2021

Birinshi synypqa qujat qabyldaý 1 tamyzǵa deıin jalǵasady

38 ret kórsetildi

Búgingi tańda birinshi synypqa qabyldaý úshin 310 myńnan astam ótinish tústi. Qujattardy qabyldaý 1 sáýirde bastalyp, 1 tamyzǵa deıin jalǵasady, dep habarlaıdy QR Bilim jáne ǵylym mınıstrliginiń baspasóz qyzmeti.

Bul merzim bolashaq oqýshylardyń ata-analary mektepti aldyn-ala anyqtap, qajet qujattardy ýaqytyly tapsyryp, balalardy oqý quraldarymen qamtamasyz etýi úshin berildi. Al mektep ákimshiligi synyptardy aldyn ala jınaqtaý, oqýlyqtardyń qajetti kólemin satyp alý, muǵalimder arasynda saǵattardy bólý jáne synyptar sanyna baılanysty pedagogter quramyn anyqtaý boıynsha jumystardy atqaratyn bolady. Osyǵan baılanysty mınıstrlik ótinishterdi ýaqytyly berýdiń mańyzdylyǵyn eske salady.

«Biz qujattardy qabyldaý merzimin uzarttyq. Endi qujattardy qabyldaý 4 aıǵa sozylady. Bul ata-analarǵa da, mektep ákimshilikterine de oqý prosesine daıyndyqty aldyn ala oılastyrýǵa múmkindik beredi. Sondaı-aq 10 tamyzdan keıin mektepterde daıyndyq toby jumysyn bastaıdy, oǵan ata-analardyń qalaýy boıynsha mektepke deıingi mekemelerge barmaǵan nemese mektepaldy daıarlyqtan ótpegen balalar bara alady», – dep atap ótti QR BǴM Mektepke deıingi jáne orta bilim komıteti tóraıymy Maıra Meldebekova.

О́tinishterdi qabyldaý Egov.kz elektrondyq úkimet portaly arqyly elektrondyq formatta júrgiziledi. Mektepke qabyldaý úshin kelesi qujattardy usyný qajet: balanyń densaýlyq jaǵdaıy týraly qujattar (balanyń densaýlyq pasporty №026/ý-3, №063/ý nysany boıynsha medısınalyq anyqtama); balanyń kólemi 3h4 sm sıfrlyq fotosýreti. О́tinish 1 jumys kúni ishinde qaralady.

«Qyzyl» aımaqqa engen óńirlerde turatyn ata-analar medısınalyq anyqtamalardy oqý jylynyń bastalýyna deıin ala alady.

Vedomstvonyń boljamy boıynsha osy oqý jylynda birinshi synypqa 380 myńnan astam oqýshy barady.

Sońǵy jańalyqtar

«Qyzyl» aımaqta 2 megapolıs pen 4 oblys tur

Koronavırýs • Búgin, 11:20

Taǵy 1677 adamnan koronavırýs anyqtaldy

Koronavırýs • Búgin, 09:40

Qazaqstanda qansha adam vaksına saldyrdy?

Koronavırýs • Búgin, 09:00

9 sý qoımasy salynady

Ekologııa • Keshe

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

Uqsas jańalyqtar