Aımaqtar • 28 Shilde, 2021

«Egemen» nazaryndaǵy nysan - Kúrshimde kópir qurylysy qarqyndy

98 ret kórsetildi

 «Elý jylda – el jańa» degendeı dál 50 jyl ótkennen keıin kúrshimdikterge jaǵanyń ar jaǵyna kópir ústimen qatynaý baqyty buıyraıyn dep tur. «Aıta aıta Altaıdy, Jamal apaı qartaıdy» dep bastap, «Egemen Qazaqstan» gazetiniń sol kezdegi shyǵystaǵy menshikti tilshisi Azamat Qasymnyń maqalasynan keıin jarty ǵasyr qatyp qalǵan «seń» qozǵalǵan edi.

Dál osy maqaladan keıin prezıdentimiz Qasymjomart TOQAEV: «Úkimetke ShQO ákimdigimen birge Buqtyrma sý qoımasyna kópir salý úshin qarjy bólý máselesin qarastyrýdy tapsyramyn», dep arnaıy tapsyrma bergen bolatyn.

Mine sodan beri kóńili darhan, peıili keń, «sabyr túbi – sary altyn dep» jyldar boıy tózim men shydamdylyqtyń nyshanyna aınalǵan kúrshim halqynyń qýanyshynda shek joq. Prezıdentimizdiń tapsyrmasynan keıin kóp uzamaı kópir qurylysynyń jumystary bastalyp ta ketti. Maýsym aıynda Shyǵys Qazaqstan oblysynyń ákimi Danıal Ahmetov qurylysy bastalǵan Buqtyrmadaǵy kópirdiń kapsýlasyn salý saltanatty rásimin ótkizdi. Dál qazirgi kezde kópir qurylysyna daıyndyq jumystary qarqyndy júrgizilip jatyr.  

«OblShyǵysJol» JShS-niń kópir qurylysy boıynsha orynbasary Nyǵmatýlla Abdýlhakovtyń aıtýy boıynsha, kópir qurylysyna tartylǵan jumysshylar úshin 125 oryndyq jataqhana tolyǵymen daıyn. Ekinshi 125 oryndyq jataqhananyń ishinde qurylys jumystary júrgizilip jatyr.  Bir mezette 120 adamǵa arnalǵan ashana jumys jasap tur. Jumysshylarǵa arnalǵan monsha da daıyn. Sonymen qatar telefon, ınternet jelisin ornatý jumystary júrgizilýde. Kólikterge arnalǵan avtoturak salynady.

Búgingi kúnge qosymsha  400 tonna (dıametri 1200) jáne120 tonna turba (dıametri 1380), ýaqytsha kópir qurylysyna arnalǵan 800 tonna balka, 350 tonna sement, 52 dana temir betondy plıtalar jetkizildi. Osy jumystarmen qatar, negizgi joldyń qurylysy júrgizilýde. Tamyz aıynyń ortasyna deıin asfalttaý jumystary aıaqtalatyn bolady.

Qurylys basynda bir sement zaýyty bar. Qosymsha taǵy bir sement zaýytyn salý úshin Almaty qalasynan qural-jabdyqtar shilde aıynyń sońyna deıin keledi dep  kútilýde.

Qazirgi kezde qurylysqa qajetti 61 ártúrli maman ıeleri  jumys isteýde. Jumyskerler negizinen jergilikti turǵyndar. Kópirdiń negizgi  qurylysy bastalǵan ýaqytta qosymsha mamandyqtarmen (bilikti dánekerleýshiler, armatýrshıkter, aǵash ustalary-betonshylar t.b.) jumyskerler alynatyn bolady.

- Jalpy kópir qurylysyn salý boıynsha jumystar  josparǵa saı atqarylýda, - deıdi Nyǵmatýlla Abdýllauly.

 

Rústem Asqaruly

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar