«Bul epıdemıologııalyq jaǵdaıǵa baılanysty. Sheshimdi koronavırýsty taratpaý jónindegi vedomstvoaralyq komıssııa shyǵaryp, ol sheshim Memlekettik sanıtarlyq dárigerdiń qaýlysymen bekitiledi. Epıdemıologııalyq jaǵdaı jaqsarǵan kezde mınıstrlik dástúrli oqytý formatyna kóshýge daıyn», degen Jomart Qarambaev qalypty oqý formatyna aýysý úshin pedagogterge vaksına alý talaby qoıylmaıtynyn aıtty.
«Mundaı talaptar qoıylmaıdy, muǵalimder erikti túrde ekpe alyp jatyr. Eń bastysy, ujymdyq ımmýnıtet qalyptasýy kerek. Sol úshin ustazdardyń 100 paıyz vaksına alǵany jón bolar edi», dedi vedomstvo ókili.
