О́tken táýlikte, tańǵy saǵat 07.10-da Qarabutaq kentiniń janyndaǵy «Samara-Shymkent» avtojolynyń 996 shaqyrymynda «Toyota Previa» avtokóliginiń júrgizýshisi Yrǵyz kenti jaǵynan Qarabutaq kenti baǵytynda qozǵalyp, róldi basqara almaı, apatqa ushyraǵan.
Jol-kólik oqıǵasy saldarynan avtokólik júrgizýshisi men segiz jolaýshy zardap shegip, alǵan dene jaraqatynan Áıteke bı aýdanynyń Ortalyq aýdandyq aýrýhanasyna jetkizildi. Jaraqat alǵan jolaýshylardyń barlyǵy О́zbekstan Respýblıkasynyń azamattary. Jolaýshylar Qazaqstan Respýblıkasynyń aýmaǵyna Túrkistan oblysy Saryaǵash qalasynyń «Jibek Joly» BО́P arqyly kirip, Atyraý qalasyna jumysqa bara jatqan.
QR QK 345-baby 2-bóligi «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha sotqa deıingi tergeý bastaldy.
Shilde aıynda Aqtóbe oblysynyń joldarynda 32 JKO oryn aldy, onda jeti adam qaza taýyp, 34 adam túrli dárejedegi jaraqat aldy. Kóbinese apattyń paıda bolýyna uqypsyzdyq, jol erejelerin saqtamaý, jeke qaýipsizdikke jáne basqa qozǵalysqa qatysýshylardyń qaýipsizdigine jaýapsyzdyq sııaqty adam faktorlary yqpal etedi.
