«Bul jónindegi másele pysyqtalýda. Balalar qyrkúıekten bastap offlaın oqýdy bastaıdy delik. Árıne, búginde mektepterde oqıtyn balalardyń sany aıtarlyqtaı kóp. Balalar ınfeksııany mektepten juqtyryp, qasyndaǵy adamdarǵa da taratýy múmkin degen qorqynyshymyz bar. Sondyqtan búgingi tańda Ashyq júıesine mektepterdi, mektepke deıingi uıymdardy, JOO-lardy qosý máselesin qarastyrýdamyz», dedi Aıjan Esmaǵambetova OKQ brıfınginde.
Sondaı-aq, ol muǵalimderdiń vaksınasııasy men smartfondardyń qoldanylýyna tyıym salynǵan mektepter týraly saýalǵa jaýap berdi.
«Ekpege qarsy kórsetilimderi joq muǵalimderden mindetti túrde vaksınasııa pasporty talap etileti. Oflaın rejımge kóshý úshin muǵalimder vaksınasııalaýdan ótýi kerek. Sonymen qatar, Ashyq jobasy aıasynda bas dárigerdiń qaýlysyna sáıkes, eger smartfon bolmasa, adam óziniń JSN-in ataı alady. Osylaısha, baqylaýdy júzege asyratyn adam balanyń JSN-i boıynsha mártebesin teksere alady. Bul balalardyń qaýipsizdigi», dep túıindedi komıtet basshysy.
