Reseı Federasııasynyń azamatshasy 1998 jyldan bastap óz elinde zeınetaqy ala bastaǵan. Biraq zeınetaqy somasy oǵan jetkiliksiz bolyp, 2006 jyly ol zeınetaqy tóleý jónindegi qazaqstandyq ortalyqqa júgindi. Áıel óziniń jasyna baılanysty zeınetaqy taǵaıyndaý týraly ótinishi men QR azamatynyń jasandy jeke kýáligin usyndy.
Onyń Qazaqstanda da, Reseıde de bir mezgilde zeınetaqy alyp júrgeni ótken jyly belgili bolyp, 2020 jyldyń 1 shildesinde tólemder toqtatyldy.
Bir jyldan keıin, 2021 jyldyń 1 shildesinde kóshi-qon qyzmeti ony «Qazaqstannyń Azamattyq týraly zańnamasyn buzý» baby boıynsha ákimshilik jaýapkershilikke tartty.
Reseılik áıel 14 jyl ishinde 9,5 mln teńgege zeınetaqy alǵany anyqtaldy. Sot Eńbek, áleýmettik qorǵaý jáne kóshi-qon Komıteti Departamentiniń talap-aryzyn qanaǵattandyryp, áıelden memleket kirisine 9,5 mln teńge óndirip aldy.
Sheshim zańdy kúshine engen joq.
