Aımaqtar • 30 Shilde, 2021

Qurylysqa qurǵaq ýáde júrmeıdi

33 ret kórsetildi

Qazirgi kezde Jambyl óńirinde qurylys qarqyn aldy desek te, atalǵan salaǵa qatysty birneshe olqylyq anyqtalyp otyr. Aımaqtaǵy aýdandar men aýyldarda salynyp jatqan túrli nysandardaǵy jóndeý men qurylys jumystarynyń oryndalý barysy kóńil kónshitpeıdi.

Basy jaqsy bastalǵan qury­lystyń orta tusyna kelgende merziminen keshigýi, sol maqsatqa bólingen qarjynyń ıgerilmeýi ári jobalyq-smetalyq qujattardy ázirleýdegi olqylyqtardyń oryn alýy sııaqty keleńsizdikter de kedergi keltirýde. Munyń bar­lyǵy da jumysty der ke­zinde júrgize almaǵan mer­diger kompanııalardyń sal­ǵyrt­­­­tyǵynan bolyp otyr. Osy máselege oraı, Jambyl ob­ly­synyń ákimi Berdibek Sapar­baev talaı ýaqyttan beri tıisti bas­shylardy synǵa alyp kele jatqanymen, odan shyǵyp jatqan nátıje de shamaly bolyp tur.

Jalpy, Jambylda qurylys salasyna jaqsy kóńil bólinýde. Zamanaýı talapqa saı nysandar salý jóninen de óńirde jaqsy bastamalar kóterilip, iske asýda. Biraq sońy synǵa aparyp soǵatyn qurylys nysandary búginde kóp. Oblystyq qurylys basqarmasynyń basshysy Erlan Orynbaevtyń aıtýynsha, óńirdegi 207 jobaǵa 67,6 mlrd teńge bólingen. Bul rette bıyl 150 nysandy paıdalanýǵa berý josparlanýda eken. Atalǵan nysandardyń qatarynda 76 kóp qabatty turǵyn úı, 24 mektep pen kolledj, 10 densaýlyq saqtaý, 11 sport jáne 6 mádenıet nysany bar. Bul – birqatar salany qamtyǵan qarqyndy qurylys. Sol sııaqty «Nurly jer» memlekettik baǵdarlamasy boıynsha 131 nysan, «Jumyspen qamtýdyń jol kartasy» boıynsha 23 nysan, «Aýyl – el besigi» boıynsha 17 nysan jáne basqa da damý baǵdarlamalary boıyn­sha 35 nysannyń qurylysy júrgizilýde.

Sonymen qatar qurylys bas­qarmasy tapsyrys berýshi retinde quny 66,7 mlrd teńge bolatyn 43 jobanyń qurylysyn júzege asyrýda. Bul maqsatta bıyl 29,1 mlrd teńgeni ıgerý kózdelgen. Osy jyly jalpy quny 22 mlrd teńgeni quraıtyn 26 bilim berý nysany salynýda. Naqty aıtqanda, onyń ishinde 19 mektep qurylysy, 5 qosymsha qurylys, kolledj ǵı­maraty jáne mektepti abattandyrý boıynsha bir joba bar eken. Aǵymdaǵy jyly aı­maq­ta 14 nysandy tapsyrý jos­par­lanǵan bolsa, osy kúnge deıin bir nysan paıdalanýǵa berilipti. Atap aıtsaq, Taraz qalasyndaǵy «Meıirim» mektep-ınternatynyń japsarlas qury­lysy aıaqtalǵan.

«Al oblys ortalyǵyndaǵy №2 mekteptiń qurylysy baıaý oryndalýda. Sondaı-aq Shý aýdany Shý qalasyndaǵy Aısha bıbi jáne Y.Altynsarın, Qor­daı aýdanyndaǵy «Aral» orta mektepteriniń smetalyq qu­ny qaıta eseptelýde. Jobalaý­shy­lardyń qateligi saldarynan Baı­zaq aýdany, Shahan jáne Seńkibaı aýyldaryndaǵy mektep qurylysyna qatysty birqatar qıyndyq ta týyndaýda. 2019 jyly bastalǵan Baızaq aýdany Sarykemer aýylyndaǵy №3 kolledj ǵımaratyna japsarlas nysannyń qurylysy 90 paıyzǵa aıaqtalǵan. Jobalyq-smetalyq qujattamaǵa túzetý­ler engizilip, saraptama qory­tyn­dysy alyndy», deıdi E.Oryn­baev.

Ábden qurylys ju­mys­tary bastalyp ketken soń ǵana jobalyq-smetalyq qujat­ta­malarǵa ózgeristerdiń engizilip jatýy quptarlyq emes. Bul – qu­rylys qarqynyna ári sapasyna kedergi keltiretin keleńsizdiktiń biri. Tıisti merdigerler kezinde ýá­deni úıip-tógip bergenimen, bú­ginde belgilengen meje údesinen shyǵa almaı otyr eken. Endi qu­rylys salasyna qurǵaq ýádeniń júrmeıtinin ýaqyt kórsetýde. Máselen, eki aıdan beri óńirdegi №22 mekteptiń qurylysy toqtap tur. Al Qordaı aýdanyndaǵy Kúnbatys-2 massıvinde mektep­tiń qurylysy kesteden qalyp qoı­ǵan. Sol sekildi Taraz qala­synyń «Shalǵaı Qarasý» mas­sıvindegi 600 oryndyq mektep­ke áli kúnge deıin elektr jaryǵy tartylmaǵan. Al jańa oqý jy­lynyń bastalýyna bir aı ǵana ýaqyt qaldy. Ýaqyttyń tyǵyz­dyǵy artyp, merzimniń taıanǵany údeı túsken ýaqytta asyǵys júr­gizilgen qurylystyń sapasy bolmaıtyny taǵy anyq.

Jalpy, Jambyl oblysynda jyl basynan beri qurylys normalary men sapa talaptaryn buzǵany úshin 10 merdiger ákimshilik jaýapkershilikke tartylyp, olarǵa jalpy kólemi 3,8 mln teńge aıyppul salynypty. Al aıyppul salynyp, ákimshilik jaýapkershilikke tartyl­ǵanymen de, toqtap tur­ǵan qurylystyń jyl­jyp, keshikken qurylystyń ýaqy­tymen qaıta júrip ketkeni sha­maly. О́zgesin aıtpaǵanda, óńir­degi birqatar bilim berý oshaq­­tary qurylysynyń ózi qa­shan aıaqtalatyny belgisiz bolyp tur.

 

Jambyl oblysy

 

Sońǵy jańalyqtar

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

9 sý qoımasy salynady

Ekologııa • 22 Qazan, 2021

Qaraǵandyda jer úıden órt shyqty

Oqıǵa • 22 Qazan, 2021

Golovkınge qarsy Mýratanyń múmkindigi bar ma?

Kásipqoı boks • 22 Qazan, 2021

Memleket basshysy Asqar Mamındi qabyldady

Prezıdent • 22 Qazan, 2021

Uqsas jańalyqtar