Tamyzdyń basynda eldiń batysyna qaraı Iran aımaqtarynan jyly jáne qurǵaq aýa massalary akele bastaıdy. Ol aýa temperatýrasynyń 33-38, keı jerlerde 43 gradýsqa deıin kóterilýine ákeledi. Kún raıy jaýyn-shashynsyz bolady.
«Alaıda respýblıkanyń qalǵan aýmaǵy atmosferalyq frontaldy bólikterdiń áserinde bolady. Munda jańbyr jaýady. 31 shildede ońtústik-shyǵysta naızaǵaı oınap, jańbyr jaýady, burshaq jaýýy múmkin», dep habarlaıdy «Qazgıdromet» RMK.
Eldiń keı jerlerinde jel jyldamdyǵy 15-20 m/s kúsheıedi, ońtústik pen ońtústik-shyǵysta ekpini 25 m/s, shańdy daýyl bolady.
Aýanyń kúndizgi temperatýrasy soltústikte, ortalyqta jáne shyǵysta 27-36 gradýsqa deıin kóteriledi dep kútilýde, al ońtústikte 35-40 gradýsqa deıin ystyq saqtalady.
