Protezdik-ortopedııalyq kómekke protez, júris arbalary, taıaq, baldaq, ortopedııalyq aıaqkıim, bandaj, korset, týtor, reklınator, basustaǵysh, sýpınator, emdeý beldigi, balalarǵa arnalǵan profılaktıkalyq shalbar jáne t.b. berý kiredi.
Portal múgedektigi bar adamdarǵa kerek zatyn óz betinshe tańdaýǵa múmkindik beredi. Tapsyrysty jetkizý nemese alyp ketý arqyly alýǵa bolady.
Portalda protezdik-ortopedııalyq qyzmet kórsetýden basqa sýrdotehnıka, tıflotehnıka jáne gıgıena quraldary, sondaı-aq kreslo-arbalar alýǵa ótinish berýge bolady.
Jyl basynan beri Áleýmettik qyzmetter portaly arqyly múgedektigi bar 113 myńnan astam adam ońaltýǵa arnalǵan tehnıkaquraldaryn, 6 myńnan astam – ymdaý tili qyzmetin, 31 myńnan astam – jeke kómekshiniń qyzmetin alyp, 36 myńǵa jýyǵy – sanatorlyq-kýrorttyq em aldy jáne 122 myńnan astam adam kepildik berilgen áleýmettik toptamaǵa tapsyrys rásimdedi.
Búginde Portalda arnaıy áleýmettik qyzmetter kórsetetin 859 medısınalyq-áleýmettik mekeme (bólimsheler), 127 OTQ jetkizýshisi, 13 myńnan astam jeke kómekshi qyzmetin, 250 ymdaý tilin, 66 sanatorlyq-kýrorttyq emdeýdi, 135 kepildendirilgen áleýmettik toptama boıynsha ónim berýshi tirkelgen.
2020 jylǵy 29 jeltoqsannan bastap Elektrondyq úkimet arqyly (eGov.kz) múgedektigi bar adamdarǵa QR Eńbek jáne halyqty áleýmettik qorǵaý mınıstrliginiń memlekettik qyzmetin alýǵa elektrondyq ótinim berý múmkindigi iske asyryldy. Osy kezeńde Elektrondyq úkimet portaly arqyly ońaltý quraldarymen jáne qyzmetterimen qamtamasyz etýge 110,5 myńnan astam qujat rásimdeldi.
«Áleýmettik qyzmetter portaly» avtomattandyrylǵan aqparattyq júıesin engizý Múgedektigi bar adamdardyń quqyǵyn qamtamasyz etý jáne ómir súrý sapasyn jaqsartý jónindegi ulttyq jospar sheńberinde qarastyrylǵan.
