Foto: Jeńis Ysqabaı, Qazaqstan UOK
«Bul Olımpıada - meniń birinshi Olımpıadam. Olımpıadaǵa qatysýdaǵy maqsatym bar kúshimdi salyp, ánuranymyzdy shyrqatý bolatyn. Maqsatyma bir taban jaqyndaǵanymmen, qarsylasymnan eki upaıǵa utylyp qaldym. Qatelik tehnıkalyq turǵydan ketti dep oılaımyn.
Osyǵan deıin eki qarsylasymdy jeńgende tehnıkalyq, psıhologııalyq turǵydan óte qatty daıyndaldym. Jeńetinime senimdi boldym. Osyǵan deıingi eki kezdesýdi halyqtyń qoldaýynyń, seniminiń arqasynda jeńip otyrdym desem bolady.
Biz munymen toqtap qalmaımyz. Bul jarys men úshin úlken tájirıbe boldy. Endi aldymyzda álem chempıonaty kútip tur. Olımpıadaǵa birinshi ret qatysyp turǵannan keıin osy jarysta ne jetpeıdi, qaı jerden qate jiberetinimdi bárin tekserip aldym. Álem chempıonatynda maqsatyma jetýge tyrysamyn», deıdi Ilfat.
Aıta keterligi, bul qazaqstandyq sportshylardyń Olımpıada oıyndaryndaǵy eń úlken jetistigi. Osy ýaqytqa deıin sadaq atýdan Qazaqstan sapynan eshkim 1/8 fınalǵa deıin jetpegen.
