Ekonomıka • 31 Shilde, 2021

Qazaqstan men Brazılııa saýda-ekonomıkalyq yntymaqtastyqty nyǵaıtýǵa ýaǵdalasty

32 ret kórsetildi

Qazaqstan men Brazılııa arasynda beınekonferensııa formatynda saıası konsýltasııalar ótti, dep habarlaıdy Egemen.kz Syrtqy ister mınıstrligine silteme jasap.

Is-sharaǵa QR Syrtqy ister mınıstriniń orynbasary Aqan Rahmetýllın men Brazılııa Syrtqy ister mınıstriniń orynbasary Marsıa Donner Abreý teń tóraǵalar retinde qatysty. 

Taraptar eki el arasyndaǵy keń aýqymdy yqpaldastyq kún tártibiniń ózekti máseleleri men ózara tıimdi yntymaqtastyq bolashaǵy týraly pikir almasty. Naqtyraq aıtqanda saıası, saýda-ekonomıkalyq jáne ınvestısııalyq, sondaı-aq parlamentaralyq yntymaqtastyq pen koronavırýspen kúrestegi jáne ulttyq ekonomıkalardy COVID-19 pandemııasynyń saldaryn eńserýdegi tájirıbe almasý qarastyryldy. Sondaı-aq atom energetıkasy, taý-ken, jańartylatyn energetıka jáne aýylsharýashylyǵy salasynda birqatar ýaǵdalastyqtarǵa qol jetkizildi. Taraptar BUU jáne ózge de halyqaralyq uıymdar aıasyndaǵy árekettestikteriń joǵary deńgeıin atap ótti. 

«Brazılııa Qazaqstannyń Ońtústik Amerıkadaǵy senimdi seriktesi bolyp tabylady. Biz eki el arasynda ornatylǵan seriktestikti dostyq, ózara qurmet jáne senim rýhynda odan ári tereńdetýge nıettimiz», dedi A. Rahmetýllın óz sózinde.

Is-sharanyń qorytyndysy boıynsha taraptar jemisti yntymaqtastyqty odan ári jalǵastyrý jáne aldaǵy kezeńge arnalǵan negizgi basymdyqtardy júzege asyrýdaǵy naqty qadamdar jóninde ýaǵdalastyqtarǵa qol jetkizdi.

Sońǵy jańalyqtar

Kabýlda jarylys boldy

Oqıǵa • Búgin, 17:08

Otandyq fılmderdiń úlesi artady

Qazaqstan • Búgin, 16:20

Almatyda baqylaý kúsheıtildi

Koronavırýs • Búgin, 14:08

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Uqsas jańalyqtar