Koronavırýs • 01 Tamyz, 2021

Indet órship barady

185 ret kórsetildi

Záre-qutymyzdy ábden qashyrǵan zaýal shaq qashan biter eken?! Adamzat túrli amalyn jasap, kúresýdi úırengen saıyn bul indet te túrin ózgertip qaıta shaýyp, jaýdaı tıip jatyr. Kúnnen-kúnge jan túrshiktirer jaǵdaı tirkelip, tóbemizden jaı túsirgendeı antırekordtar jańarýda.

Keshe ǵana taǵy da koronavırýs juqtyrýdyń rekordtyq sany tirkelip, 7 803 adamnyń aýyrǵany anyqtaldy. Keıingi kúnderi bul keri kórsetkishtiń jıi jańarýy ahýaldyń qanshalyqty kúrdelenip bara jatqanyn ańǵartady. Soraqysy, indettiń kesirinen qaıtys bolǵandar sany jaǵynan da buryn bolmaǵan derek tirkelip, koronavırýs kóresini kórsetip jatyr.

Búginde «qyzyl aımaqta» turǵan Qazaq­stan­nyń «qyzarmaǵan» tusy qalmady. 1 tamyzdaǵy epıdemııalyq ahýaldy baǵalaý matrısasy boıynsha barlyq óńir – «qyzyl aımaqta». Budan bir kún buryn ǵana «sary aımaqta» turǵan jalǵyz óńir – Túrkistan oblysy da túsin ózgertti. Jalpy, jaǵdaı­dyń tym nasharlap ketkenin endi «qyzyl» túspen belgileý de jetkiliksiz bolyp tur. О́ıtkeni «qyzyl» túsimiz suıylýdyń ornyna odan saıyn qoıýlanyp barady. Bul qoıý «qyzylymyz» budan bylaı «qońyr-qyzyl» dep atalmaq. Naqtyraq aıtsaq, Bas memlekettik sanıtarlyq dáriger Erlan Qııasovtyń 29 shildedegi №33 qaýlysynda «qońyr-qyzyl aımaq» uǵymy paıda boldy. Qaýlyda «qońyr-qyzyl aımaq» táýe­kel deń­geıi óte joǵary aımaq ekeni, ınfek­sııa­lyq tósektik oryndarmen toltyrylý kór­setkishi 70 paıyzdan joǵary jáne 100 myń turǵynǵa shaqqanda 200-den asa tósektik oryn­men toltyrylý kórsetkishi kezinde aı­maq osy sanatqa ótetini kórsetilgen. Osylaısha, jaǵdaıy tym kúrdelenip bara jatqan elimiz shekteý sharalaryn qaı­ta kúsheıtýge májbúr bolyp otyr.

Atalǵan qaýly negizinde 2 tamyzdan bastap «qońyr-qyzyl aımaqta» ákimdikterdi, quqyq qorǵaý organdaryn, densaýlyq saqtaý uıymdaryn, BAQ-ty, azyq-túlik dúkenderin, dárihanalardy jáne tirshilikti qamtamasyz etý uıym­daryn, sondaı-aq osy qaýlynyń 9-tar­maǵynyń 4) tarmaqshasynda kórsetilgen uıymdardy qospaǵanda, Ashyq jobasyna qatysýshylarymen birge barlyq kásiporyn men uıymnyń qyzmeti demalys kúnderi toqtatylady.

Sonymen qatar 9 tamyzdan bastap ınfeksııalyq tósektik oryndardyń toltyrylý kórsetkishi 70%-dan joǵary já­ne tósektik oryndardyń toltyrylý kór­setkishi 100 myń turǵynǵa shaqqanda 200-den joǵary bolǵan kezde, ıaǵnı «qo­ńyr-qyzyl aımaqqa» ótken kezde «Ashyq kósh­basshylary» mártebesi bar obektilerge 00.00 saǵatqa deıin, joba boıynsha jumys isteıtin ózge de obektilerge saǵat 22.00-ge deıin jumys isteý rejimine ruqsat etiledi.

Bul rette «qońyr-qyzyl aımaqtyń» demalys kúniniń shekteý sharalary 2 tamyzdan bastap Nur-Sultan, Almaty, Shym­kent, Atyraý jáne Qaraǵandy qala­larynda engiziletinin aıta ketken jón. Iаǵnı demalys kúnderi bul qala­larda joǵaryda atalǵan quziretti mekemele­r­den bólek, Ashyq-qa qatyspaıtyn bar­lyq kásiporyn men uıymnyń qyzmeti toq­ta­tylady; oıyn-saýyq, sporttyq jáne bas­qa da buqa­ralyq is-sharalardy, sondaı-aq otba­sylyq, estelik is-sharalardy ótki­zý­ge tyıym salynady; memlekettik organ­dardyń (uıymdardyń), keńselerdiń, ult­­­tyq kompanııalardyń jáne ózge de uıym­­­dardyń qyzmetkerleriniń (vak­sı­na­lanǵan jáne sońǵy 3 aı ishinde aýyryp saýyqqan adamdardy qospaǵanda) 80%-y úshin qashyqtan jumys isteý nysany saqtalady. Sondaı-aq Ashyq jo­basynan tys qurylys jumystaryn júr­gizýge; ónerkásiptik kásiporyndardyń qyzmetine; janas­paıtyn qyzmet kórse­týge, týrıstik kom­panııalardyń, bıznes orta­lyqtardyń, qyz­mettiń jekelegen túr­leriniń qyzmetine; qoǵamdyq tamaqtaný obek­tileriniń tek alyp shyǵýǵa jáne jet­kizýge arnalǵan qyzmetine ruqsat etiledi.

Jalpy, búgingi tańda elimizdiń qaı tusynda bolsyn, epıdemııalyq ahýal ýshyǵyp tur. Indet juqtyrǵandardyń sany kún saıyn artyp, ınfeksııalyq stasıonarlar tolyp jatyr, kereýetke tańylǵan naýqastar kóbeıýde. 1 tamyzdaǵy málimet boıynsha 98 931 adam koronavırýs ınfeksııasynan emdelýde. Onyń ishinde 28 162 pasıent stasıonarda, 70 769 naýqas ambýlatorııalyq deńgeıde em qabyldaýda. Indetke shaldyqqandardyń arasynda 1 652 adamnyń jaǵdaıy aýyr, 417 pasıenttiń jaǵdaıy óte aýyr, 187 naýqas О́JJ apparatynda jatyr.

Densaýlyq saqtaý mınıstri Alekseı Soıdyń aıtýynsha, qazirgi ýaqytta den­saýlyq saqtaý júıesi ótken jylmen sa­lystyrǵanda eki ese artyq júktememen jumys isteýde. Eger byltyr syr­qat­ta­nýshylyq táýligine 2 myń adamdy qurasa, osy jyldyń shilde aıynda ósim úsh ese asyp, bir táýlikte 7 myńnan asa adam indet juqtyrýda. Emdelip jatqan pasıentter sany da eki ese artty.

«Shilde aıynyń basyndaǵy jaǵdaı­men salystyrǵanda aýyr naýqastar sa­ny 2,1 ese ósti, shamamen 1000 naýqas О́JJ apparattaryna qosyldy. Elimiz­diń bir­­qatar óńirinde ınfeksııalyq jáne reanımasııalyq tósektik oryndar tapshy­lyǵy sezilýi múmkin. Bul rette Nur-Sul­tan, Shymkent qalalary jáne Aqtóbe, Aqmola, Qyzylorda oblystary táýe­kel aımaqta», dedi mınıstr.

Búginde syrqattanýshylyq pen ólim-jitimniń 65%-y Nur-Sultan, Al­maty, Shymkent, Atyraý, Qaraǵandy qala­la­ryna tıesili eken. Sondyqtan da «qo­ńyr-qyzyl aımaqqa» jatqyzylǵan bul óńir­lerde búginnen bastap shekteý sharalary qatańdatylmaq.

О́kinishke qaraı, indet juqtyrý jaǵ­daıy ǵana emes, bul báleden ajal qush­qandar da az bolmaı tur. О́limge soqtyryp jatqan jaǵdaıdyń kóbi pnevmonııadan kelip jatyr. Iаǵnı tynysy tarylyp jany qysylǵandar – indettiń aýyr túrine dýshar bolǵandar. Keshegi derek boıynsha koronavırýs ınfeksııasynyń belgileri bar pnevmonııanyń 275 jaǵdaıy jáne 13 ólim jaǵdaıy tirkeldi. Sondaı-aq pnevmonııadan 108 adam emdelip shyqty. Jalpy, byltyrǵy 13 naýryzdan kúni búginge deıin pnevmonııaǵa 61 168 adam shaldyǵyp, 3 724 qaıtys bolǵan eken.

Jaǵdaı osynshalyq jaǵa ustatar­lyq bolyp tursa da, jaǵasy jaılaý­da júr­gen jurttyń áli de kóp ekeni bel­gili. Aınalasyndaǵy qanshama jaqy­ny­nyń aýyryp jatqanyn, tipten ólip ke­tip jatqanyn kórip júrse de, aqyl­ǵa kel­­meıtin adamdardyń qapersizdigi tań­ǵal­­dyrady. Iаǵnı halyqtyń basym bó­ligi indetten saqtanýdyń eń senimdi qu­raly – vak­sına saldyrýǵa nemquraıly qarap otyr. Koronavırýsty eń kóp juqty­ra­tyn­dardyń, sondaı-aq osy keselden qaıtys bolǵandardyń kópshiligi vaksına saldyr­maǵandar eken. Muny mınıstr de naqtylap aıtyp otyr.

«Naýqastardyń 99,9%-y – vaksına sal­dyrmaǵandar. Bul ımmýndaýdyń qaýip­sizdigi men tıimdiligin rastaıdy. Búgin­gi tańda vaksınalaý – koronovırýs ınfek­sııasynyń aýyr túrde ótýin jáne ólim­di boldyrmaýdyń jalǵyz tıimdi ádi­si. Sondyqtan árbir qazaqstandyqtan vak­sınalaý týraly sanaly sheshim qa­byl­daýdy, ózin, óziniń jaqyndaryn qor­ǵaýdy jáne elimizde ujymdyq ım­mý­nı­tetti qalyptastyrýǵa óz úlesin qo­sý­dy suraımyn. Koronavırýstyń tu­raq­ty mýtasııasy kezinde de vaksınalaý qor­ǵaýdyń jalǵyz ádisi bolyp sanalady», dedi A.Soı.

Keshegi málimet boıynsha, Qazaqstanda birinshi komponentpen 5 408 959 adam, ekinshi komponentpen 3 799 879 adam vaksına saldyrdy.

 

Sońǵy jańalyqtar

Ekijaqty yntymaqtastyqtyń sony serpini

Saıasat • Búgin, 08:23

Ulttyq jobalar – kemel keleshek kepili

Qazaqstan • Búgin, 08:15

Asyl aǵanyń sharapaty

Rýhanııat • Búgin, 00:08

Barlyq saladaǵy kórsetkishter saralandy

Aımaqtar • Búgin, 00:02

Quımaqulaq

Rýhanııat • Keshe

Qoǵamnyń biteý jarasy

Qoǵam • Keshe

Gaz baǵasy nege qymbat?

Aımaqtar • Keshe

Erbosynulyn aýyr synaq kútip tur

Kásipqoı boks • Keshe

Uqsas jańalyqtar