TOKYO2020 • 01 Tamyz, 2021

Jeńilisten kóz ashpaı kelemiz...

522 ret kórsetildi

Tokıo tórinen altyn medal, tipti kúmis medal qorjynymyzǵa qashan túsedi dep júrgende halqynyń sany 33 myńnan sál ǵana asatyn San-Marıno eliniń sportshylary 1 kúmis, 1 qola medal jeńip aldy. Olım­pıadaǵa bes-aq sportshysymen kelgen sanmarınolyqtar úshin bul – úlken jetistik. Al 97 sportshysymen kelgen bizdiń qurama úshin oılanatyn másele. Sengen sportshylarymyz jarysty erte aıaqtap jatyr.

Búgin kúres túrlerinen báseke bastaldy. Áıelder arasynda 76 kıloǵa deıingi salmaq dárejesinde Qazaqstan namysyn Elmıra Syzdyqova qorǵaǵan bolatyn. О́kinishke qaraı, alǵashqy beldesýde Elmıra qyrǵyzstandyq Aıperi Medetqyzynan 2:8 esebimen utyldy. Bul biz úshin kútpegen jaǵdaı boldy. Sebebi Rıo Olımpıadasynyń qola júldegeri Elmıra Olımpıadada basty favorıtterdiń biri edi.

Olımpıadada olja salady degen álem chempıonatynyń qola júldegeri Meırambek Aınaǵulov ta qyrǵyzstandyq balýanǵa esh qarsylyq kórsete almady (0:8).

El maqtaǵan Elena Rybakınanyń Tokıodaǵy sońǵy oıynyn kórdik. Tennısshi qyzǵa sońǵy sátte jáne sońǵy sette psıhologııalyq daıyndyq jetispegen sııaqty(Esep – 6:1, 6:7, 4:6). Qola medal úshin ótken saıysta ýkraınalyq Elına Svıtolınadan ekinshi sette jeńilgen soń úshinshi setke kúshi jetpedi. Biraq sabyrlylyǵy unady. Jeńse de, jeńilse de sol qalpy. Naǵyz kásibı sportshy. Álemdik reıtıngte úzdik jıyrmalyqtyń ishinde júrgen qazaqstandyq tennısshi kelesi Olımpıadada top jarýy ábden múmkin. Al alda Elena US Open dodasyna qatysýdy josparlap otyr.

«О́te aýyr match. Esepte taǵy da alda tur­dym, kóp jaǵdaıda oıyndy sátti aıaqtaý qıynǵa soqty. Fızıkalyq jáne psıhologııalyq turǵydan qıyn boldy. Búgin qolymnan kelgenshe bárin isteýge tyrystym, biraq sáttilik jetispedi. Kortqa shyǵar aldynda azdap aýyryp qaldym. Jalpy alǵanda, bul jaqsy oıyndarǵa toly keremet apta boldy. Men úshin úlken tájirıbe bolǵany anyq. Árıne, jankúıerler qatyspaǵandyqtan, korttaǵy atmosfera múlde basqa. Parıjde ótetin kelesi Olımpıadaǵa qatysamyn degen oıdamyn», dedi tennısshi.

Sporttyq gımnastıkadan erkin jattyǵýda besinshi oryn alǵan Mılad Karımıdiń júlde alýǵa múmkindigi bar edi. Jattyǵý kezinde ol úsh ret qatelesti. Mılad oryndaǵan jat­ty­ǵýdyń qıyndyq koeffısıenti – 6,400 upaı. Al qola medal alǵan qytaı sportshysy Cıao Jotenniń qıyndyq koeffısıenti – 6,200 upaı. Biraq Mılad qıyndyq koeffısenti joǵary bolsa da, jattyǵýynda qate jiberdi. Al Qytaı sportshysy az koeffısıentti taza oryndap, medal alyp ketti. Mılad 22 jas­ta. Jaraqattan aman bolsa, Parıj Olım­pıa­dasynda júlde alatyn birden-bir úmitker bolatyny anyq.

Shırek fınalǵa deıin jetken tórt boks­shymyzdyń ekeýi keshe jartylaı fınaldyq aıqasqa shyqty. 75 kılodaǵy Ábilhan Amanqul brazılııalyq Ebert Konseısan Soýzamen kezdesken bolatyn. О́kinishke qaraı, Ábilhan Olımpıadanyń medaline qol jetkize alǵan joq. Tartysty ótken básekede brazılııalyq boksshy 3:2 esebimen basym túsip, jartylaı fınalǵa ótti. Al asa aýyr salmaqta Qamshybek Qońqabaev reseılik Ivan Verıasovpen kezdesip, jerlesimiz 5:0 esebimen jeńiske jetti. Jartylaı fınalda Qamshybek Qońqabaev amerıkalyq Rıchard Torrespen kezdesedi.

Aıta keteıik, burnaǵy kúni Sáken Bıbo­synov (52 kg) pen Zákir Safıýllın (63 kg) shırek fınalǵa joldama aldy.

Akademııalyq esýden Tokıo Olımpıa­dasyna qatysqan jalǵyz qazaqstandyq sport­shy Vladıslav Iаkovlev jazǵy oıyndardy 19-orynmen aıaqtady. Sondaı-aq sa­daq atýdan erler arasynda jekeleı syn­nyń 1/8 fınalynda Ilfat Abdýllın qytaı­lyq Lı Djýa Lýnge 5:6 esebimen jol berdi. Qazaqstandyq jeńil atlet Mıhaıl Lıtvın Tokıo Olımpıadasynda 400 metr qashyq­tyqqa júgirýden jartylaı fınalǵa shyǵa almady. Mıhaıl Lıtvın óziniń tobynda 47:15 nátıjesimen 7-oryn aldy. Sý dobynan Qazaqstan quramasy Tokıo olımpııa oıynda­rynda Chernogorııa quramasyna qarsy oıyn ótkizip, 12:19 esebimen utyldy. Aıta keter­ligi, sý dobynan Qazaqstan quramasy osyǵan deıin Horvatııa (7:23), Serbııa (5:19) jáne Ispanıı (4 :16) quramalaryna jol berdi.

Sońǵy jańalyqtar

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Almaty mańynda jer silkindi

Aımaqtar • Búgin, 09:35

Koronavırýstan 9 adam qaıtys boldy

Qazaqstan • Búgin, 09:28

Emdelip jatqan 634 naýqastyń jaǵdaıy aýyr

Koronavırýs • Búgin, 09:22

Qazaqstanda vaksına saldyrǵandar sany artty

Koronavırýs • Búgin, 09:17

Almaty oblysy «qyzyl» aımaqqa ótti

Koronavırýs • Búgin, 09:15

Sport jańalyqtaryna sholý

Sport • Búgin, 09:07

Sarannyń uzyn sákisi

Qazaqstan • Búgin, 09:05

Kóbelekter kórmesi

О́ner • Búgin, 09:04

Qarsylastar anyqtaldy

Sport • Búgin, 08:59

Jáýdir ana

Tanym • Búgin, 08:56

Taǵy bir sport nysanynyń tusaýy kesildi

Aımaqtar • Búgin, 08:53

Fızıkalyq ýran qoryna qatysady

Ekonomıka • Búgin, 08:46

543 mlrd teńgeniń ónimi óndirildi

Ekonomıka • Búgin, 08:44

Áıelder kásipkerligi qoldaý taýyp jatyr

Ekonomıka • Búgin, 08:43

Basqa basylymdarǵa sholý

Álem • Búgin, 08:41

Úsh jyldyq bıýdjet maquldandy

Saıasat • Búgin, 08:25

Úlken qalada adasý

Rýhanııat • Búgin, 01:10

«Qaragóz» jasyrǵan shyndyq

О́ner • Búgin, 00:49

Aqyl alyby

Rýhanııat • Keshe

Shyǵystanýdyń bıik shynary

Áıel álemi • Keshe

«Serpinge» serpilis qajet

Aımaqtar • Keshe

Uqsas jańalyqtar