Qoǵam • 02 Tamyz, 2021

Serik Shápkenov adam saýdasymen kúres týraly memorandýmǵa qol qoıdy

37 ret kórsetildi

QR Eńbek jáne halyqty áleýmettik qorǵaý mınıstri Serik Shápkenov pen Halyqaralyq kóshi-qon uıymynyń Qazaqstandaǵy ókildigi basshysy, Orta Azııadaǵy HKU úılestirýshisi Zeınal Gadjıev Eńbek kóshi-qony jáne adam saýdasyna qarsy kúres máseleleri jónindegi yntymaqtastyq týraly memorandýmǵa qol qoıdy, dep jazady Egemen.kz.

Qujatqa taraptar onlaın kelissóz barysynda qol qoıdy. Bul týraly vedomstvonyń baspasóz qyzmeti habarlady. 

«QR Eńbek jáne halyqty áleýmettik qorǵaý mınıstrligi atynan sizderge izet tanytyp, 30 shildede atap ótiletin Dúnıejúzilik adam saýdasyna qarsy kúres kúnimen quttyqtaýǵa ruqsat etińizder. Qazaqstannyń Halyqaralyq kóshi-qon uıymymen qarym-qatynasy syndarly jáne ózara tıimdi yntymaqtastyq arnasynda damyp kele jatqanyn atap ótken jón. Mınıstrlik Halyqaralyq kóshi-qon uıymymen ózara is-qımyldy nyǵaıtýǵa erekshe mán beredi», dedi kelissózder barysyn ashqan Serik Shápkenov.

Eńbekmıniniń basshysy óz sózinde múddeli memlekettik oryndardyń adam saýdasyna qarsy is-qımyl jónindegi ózara is-qımylyn úılestirý úshin Qazaqstanda quramyna HKU ókilderi kiretin tıisti vedomstvoaralyq komıssııa jumys isteıtinin atap ótti.

«Aǵymdaǵy jylǵy 24 aqpanda Úkimet adam saýdasyna baılanysty qylmystyń aldyn alý, boldyrmaý jáne oǵan qarsy kúres jónindegi 2021-2023 jyldarǵa arnalǵan is-sharalar josparyn bekitti. Osy jospardyń bir tarmaǵyn iske asyrý sheńberinde «Qazaqstan Respýblıkasynda adam saýdasyna qarsy is-qımyl týraly» zań jobasyn ázirleý týraly másele qaralýda. Budan basqa, Qazaqstan Respýblıkasynyń Áleýmettik kodeksi tujyrymdamasynyń jobasyna adam saýdasynyń qurbandaryna arnaýly áleýmettik qyzmet kórsetýdi kózdeıtin bap engizilgen», dep habarlady Serik Shápkenov.

Sonymen qatar ol kóshi-qon salasyndaǵy, atap aıtqanda Qazaqstan Respýblıkasynyń Kóshi-qon saıasatynyń 2022-2026 jyldarǵa arnalǵan tujyrymdamasynyń jobasyn ázirleýdegi yntymaqtastyǵy úshin HKU tarapyna alǵysyn bildirdi.  

«Aǵymdaǵy jylǵy 19 shildede Memleket basshysy «Qazaqstan Respýblıkasynyń memlekettik basqarý júıesin odan ári jetildirý jónindegi sharalar týraly» Jarlyqqa qol qoıdy, onyń sheńberinde 2022 jylǵy 1 qańtardan bastap Eńbek jáne halyqty áleýmettik qorǵaý mınıstrligine Ishki ister mınıstrliginiń  halyqtyń kóshi-qony salasyndaǵy, sondaı-aq bosqyndar máseleleri jónindegi 22 fýnksııasy men ókilettigin berý kózdelgen. Osy Jarlyqty iske asyrý maqsatynda Mınıstrlik janynan kóshi-qon salasyndaǵy jeke komıtet qurý jaıy qaralýda», dep qosty ol.

Eńbekmıni basshysy óz sóziniń sońynda Halyqaralyq sharttar jasasýdyń 2021 jylǵa arnalǵan  josparyna QR Úkimeti men Halyqaralyq kóshi-qon uıymy arasyndaǵy yntymaqtastyq týraly jańa kelisim engizilgenin habarlady.

Qazirgi ýaqytta kelisim jobasy memlekettik organdarda qaralyp jatyr.

О́z kezeginde Zeınal Gadjıev QR Úkimetine yntymaqtastyq úshin alǵysyn bildirdi, sondaı-aq HKU tarapynan Qazaqstanǵa kóshi-qon jáne adam saýdasyna qarsy is-qımyl máselelerin sheshýde aldaǵy ýaqytta da qajetti kómek kórsetýge daıyn ekenin bildirdi

Memorandým aqparat almasýdy; eńbek kóshi-qony jáne adam saýdasyna qarsy kúres salalarynda túrli is-sharalar ótkizýdi; kóshi-qon saıasatynyń strategııasyn qalyptastyrý máseleleri boıynsha keńesýdi; ózara qyzyǵýshylyq týdyratyn máseleler boıynsha ǵylymı zertteýler júrgizýdi kózdeıdi.

Tıisti Memorandým halyqaralyq shart emes jáne taraptardyń eshqaısysy úshin qandaı da bir quqyqtyq jáne qarjylyq mindettemeler júktemeıdi.

Sońǵy jańalyqtar

Pavlodarda taǵy da qus tumaýy tirkeldi

Aımaqtar • Búgin, 16:00

Urlanǵan 28 kólik tabyldy

Oqıǵa • Búgin, 15:11

Qazgıdromet aldaǵy qysqa boljam jasady

Qazaqstan • Búgin, 14:11

Atyraýda 23 adamdy shaıan shaqqan

Aımaqtar • Búgin, 13:35

Túrkistan oblysynda brakonerler ustaldy

Aımaqtar • Búgin, 12:40

Aqtaýda er adam bıikten qulap mert boldy

Aımaqtar • Búgin, 10:53

Sport jańalyqtaryna sholý

Sport • Búgin, 09:11

Bárimiz bir aspannyń astyndamyz

О́ner • Búgin, 09:10

Sýretshiler úıi ashyldy

Aımaqtar • Búgin, 09:08

Bal bulaq bolyp aqty

Aımaqtar • Búgin, 09:07

Ońaılyqpen em qonbaıdy

Medısına • Búgin, 09:05

Bárekeldi, Vıktorııa!

Sport • Búgin, 09:02

Taı elinde qola medal buıyrdy

Sport • Búgin, 09:00

Seısenbige arnalǵan aýa raıy boljamy

Aýa raıy • Búgin, 08:57

Mazmun men sapaǵa mán berilse

Bilim • Búgin, 08:55

Atyraý oblysy «sary» aımaqqa ótti

Koronavırýs • Búgin, 08:54

Salada sheshimin tabar is kóp

Bilim • Búgin, 08:52

Bala súıý – baqyt

Qoǵam • Búgin, 08:50

Qamba toldy astyqqa...

Aımaqtar • Búgin, 08:49

Barlyq salada ósim bar

Aımaqtar • Búgin, 08:47

Erekshe balalardy elegender

Aımaqtar • Búgin, 08:43

Uqsas jańalyqtar