«Qurmanbek Bakıev Qyrǵyz Respýblıkasynyń aýmaǵyna quqyq qorǵaý organdary tarapynan kelgen nemese jetkizilgen jaǵdaıda, 2010 jylǵy 7 sáýirdegi oqıǵalar jáne qylmystyń basqa da epızodtary boıynsha oǵan 2016 jylǵy 29 shildedegi zańdy kúshine engen sot úkiminiń negizinde 30 jyl bas bostandyǵynan aıyrý túrinde jaza qoldanylatynyn habarlaımyz», delingen habarlamada.
Buǵan deıin Qyrǵyzstan bıligi burynǵy Prezıdentter Asqar Aqaev pen Qurmanbek Bakıevtiń «Qumtór» týraly is boıynsha izdeý jarııalaǵan bolatyn.
2 tamyzda eldiń tuńǵysh Prezıdenti Asqar Aqaev Qyrǵyzstanǵa jetkizildi, ol 2005 jylǵy tóńkeristen keıin elden qashqan. UQK Aqaevty «Qumtór» týraly is boıynsha jaýap alǵanyn jáne onyń tergeýmen belsendi jumys isteıtinin atap ótti.
Áleýmettik jelilerde qyrǵyzstandyqtar Bakıevti qaıtarýǵa daıyndalyp jatyr degen pikirler aıtyldy.
«Qumtór» isi boıynsha kóptegen burynǵy joǵary laýazymdy tulǵalar qamaýǵa alyndy. Olardyń qatarynda eks-Premer-Mınıstrler О́mirbek Babanov pen Temir Sarıev bar.
