«Azamattar arasynda jalǵan PTR anyqtamalaryn qoldaný tyıylmaı tur. Bul joly kúdikke Almaty qalasynyń 8 turǵyny iligip otyr. 30 shildede Almaty qalasynyń halyqaralyq áýejaıynda kólik polıseıleri nysan qyzmetkerlerimen birge koronavırýs juqtyrmaǵany týraly jalǵan PTR anyqtamasy bar adamdar tobyn ustady. Barlyǵy Almaty qalasyndaǵy jeke fırmalardyń biriniń qyzmetkeri. Jumys orny olarǵa Dýbaı qalasyna saıahat joldamasyn bergen. Quqyq buzýshylar PTR anyqtamany ınternet arqyly satyp alǵan. Qazir atalǵan fakti boıynsha Qylmystyq kodekstiń 385-babynyń 3-bóligi (kórineý jalǵan qujatty paıdalaný) boıynsha sotqa deıingi tergeý bastaldy», dedi Kóliktegi polısııa departamenti bastyǵynyń orynbasary Saryqul Jolanov.
Jolanovtyń aıtýynsha, bul Almaty qalasynyń áýejaıynda tirkelgen 11-inshi oqıǵa.
