Jańa zertteýdi Cloud to Street kompanııasynyń mamandary júrgizdi. Spýtnıktik baqylaý nátıjeleri boıynsha olar sý basý qaýpi joǵary aýdandardaǵy halyqtyń ósýi osy aýmaqtardyń ekonomıkalyq damýyna baılanysty ekenin anyqtady.
«Halyqtyń osal toptarynyń kóbinese sý tasqyny aımaǵynda ornalasýdan basqa amaly joq», dep túsindirdi sarapshylar.
Zertteý málimetteri boıynsha, 2000 jyldan bastap 2018 jylǵa deıin sý tasqyny búkil álemde 2,23 mıllıon sharshy shaqyrymǵa áser etti, bul 255-ten 290 mıllıonǵa deıin adam zardap shekkenin bildiredi. Sý tasqynynyń 90 paıyzǵa jýyǵy Ońtústik jáne Ońtústik-Shyǵys Azııa elderine, ásirese Ind, Gang-Brahmapýtra jáne Mekong sııaqty iri ózenderdiń basseınderine keledi. Sonymen qatar spýtnıktik derekter Latyn Amerıkasynyń ońtústiginde, Taıaý Shyǵysta jáne Saharanyń shyǵysyndaǵy Afrıka elderinde sý tasqyny aımaǵynyń ulǵaıýyn kórsetedi.
Cloud to Street 2030 jylǵa qaraı klımattyq jáne demografııalyq ózgeristerge baılanysty sý tasqyny taǵy 25 eldiń turǵyndaryna áser etetinin aıtady.
