Ranking.kz jazýynsha, zańsyz ań aýlaý derkgi de kóbeıip, 48-ge jetken.
Balyq resýrstaryn, basqa sý janýarlary men ósimdikterin zańsyz alýdyń 132 faktisi, sırek kezdesetin jáne quryp ketý qaýpi tóngen, sondaı-aq tyıym salynǵan ósimdikter men janýarlarǵa qatysty 135 qylmys tirkeldi.
Sonymen birge ekologtar da zardap shekti. Máselen, bıyl janýarlar dúnıesin qorǵaý jónindegi memlekettik ınspektorǵa, janýarlar dúnıesin qorǵaý jónindegi mamandandyrylǵan uıym ınspektoryna, ańshyǵa qatysty 3 zorlyq-zombylyq oqıǵasy tirkeldi.
Esterińizge sala keteıik, Qazaqstanda janýarlarǵa qatygezdik tanytqany úshin naqty jaza qarastyrylǵan zań jobasy ázirlendi.
Onda janýarǵa buzaqylyq nıetpen nemese ólimge nemese jaraqatqa ákep soqtyratyn, aýyrtpalyq pen azapqa dýshar etken qatygez qarym-qatynas jasaǵany úshin 2000 AEK-ke deıingi mólsherde aıyppul salý, túzeý jumystaryna nemese qoǵamdyq jumystarǵa tartý qarastyrylǵan. Eki jylǵa deıin bas bostandyǵyn shekteý nemese sol merzimge bas bostandyǵynan aıyrý da bar.
