Prezıdent • 06 Tamyz, 2021

Qasym-Jomart Toqaev Qyrǵyzstan Prezıdentimen kezdesti

422 ret

kórsetildi

1 mın

oqý úshin

Prezıdent Qasym-Jomart Toqaev Qyrǵyzstan kóshbasshysy Sadyr Japarovpen Túrikmenstanda kezdesý ótkizdi. Bul týraly Qyrǵyz Respýblıkasy Prezıdenti Ákimshiliginiń habarlamasynda aıtylǵan, dep habarlaıdy Egemen.kz.

Gaýhar QAPASh

Qasym-Jomart Toqaev Qyrǵyzstan Prezıdentimen kezdesti

Kezdesý Túrkmenbashy qalasynda Ortalyq Azııa memleket basshylarynyń konsýltatıvtik kezdesýi sheńberinde ótken.

Taraptar túrli baǵyt boıynsha ekijaqty strategııalyq áriptestiktiń ózekti máselelerin, sondaı-aq ózara tıimdi qatynastardy damytý perspektıvalaryn talqylady. Sondaı-aq, koronavırýs pandemııasy kezeńinde eki el azamattarynyń shekaradan ótý máseleleri talqylandy.

«Sadyr Japarov Qyrǵyzstan-Qazaqstan ekijaqty yntymaqtastyǵynyń qazirgi belsendiligi men joǵary deńgeıi týraly aıtty. Ol búgingi kelissózder dástúrli túrde eki memleket arasyndaǵy ózara qarym-qatynasty sıpattaıtyn odaqtastyq qatynastar men strategııalyq áriptestik rýhynda ótetinine nazar aýdardy», dedi Japarovtyń ákimshiligi.

Sondaı-aq Sadyr Japarov baýyrlas Qazaqstanmen saıası, saýda-ekonomıkalyq, kólik-logıstıkalyq, mádenı-gýmanıtarlyq baılanystardy odan ári keńeıtýine nıetti ekenin aıtty.

Qyrǵyzstan Prezıdenti Ákimshiliginiń málimetinshe, Qasym-Jomart Toqaev baýyrlas Qyrǵyzstan men Qazaqstan arasynda sheshilmeıtin máseleler bolmaýy kerek ekenine toqtalyp, ózara baılanystardy jalǵastyrý keregin aıtty.

Toqaev Japarovtyń Ortalyq Azııa memleket basshylarynyń konsýltatıvtik kezdesýi aıasynda jaqsy bastamalar kótergenin, sondaı-aq, bul usynystardy túrli halyqaralyq platformalarda qoldaýǵa daıyn ekenin bildirdi.