Bul týraly halyqaralyq uıymnyń sarapshysy Marııa Van Kerkhove The Telegraph brıtan basylymynyń bergen suhbatynda málim etken.
«Shamasy bizge grek álipbıiniń áripteri jetpeıtin sekildi, kelesi ataýlar legin qarastyryp jatyrmyz», dedi ol.
Sarapshynyń aıtýynsha, ejelgi grek qudaılarynyń atyn alý usynylǵan. Keıin budan bas tartylǵan.
DDSU vırýsty shyqqan jerdiń atymen ataýdy dıskrımınasııa dep tanydy. Mamyr aıynyń sońynda vırýstyń jańa mýtasııasyn grek álipbıiniń 24 árpimen ataı bastady.
COVID-19 aýrýyn týdyratyn SARS-CoV-2 vırýsy indet bastalǵannan beri álemde 202 mln adamnan tabylǵan. 4 mln-nan astam naýqas osy ınfeksııadan óldi. Shamamen 182 mln-y jazylyp ketti.
