Avıakompanııanyń baspasóz qyzmeti túsindirgendeı, salmaq ólsheý prosessi erikti túrde júzege asyrylady. Atalǵan rásim ushý qaýipsizdigin arttyrý maqsatynda ǵana júrgizilip, avıabıletterdiń qunyna áser etpeıdi.
«Jolaýshylardy ushý aldynda ólsheý áýe kemesiniń teńgerimin belgileý úshin statıstıkalyq derekterdi jınaý maqsatynda halyqaralyq áýe kóligi qaýymdastyǵynyń (IATA) qaǵıdalaryna sáıkes júrgiziledi. Bul prosedýrany qaýymdastyq músheleri - avıakompanııalar bes jylda bir ret júrgizedi», dep atap ótti avıakompanııa.
Tarazy ústine turýǵa nıet bildirýshilerdi baqylaý reıske tirkelgennen keıin jolaýshynyń jynysy boıynsha bóle otyryp, arnaıy bólmede júrgiziledi. Sondaı-aq, salmaq ólsheý rásiminen ótken jolaýshylar júldeli lotereıaǵa qatysý múmkindigine ıe bolady.
