Qazgıdromettiń jazýynsha 7 shildede Qyzylorda meteorologııalyq stansııasynda eń joǵary aýa temperatýrasy +46,5°S tirkeldi. Osylaısha 1975 jylǵy rekord jańartyldy. Ol kezde 20 shildede aýa temperatýrasy +46,0°S-qa jetken bolatyn.
Jylýdyń taǵy bir tolqyny úshinshi onkúndiktiń birinshi jartysyna, Qazaqstannyń barlyq aýmaǵynda aýa temperatýrasy +34+44°S deıin kóterilgen kezde keldi. Osylaısha Túrkistan qalasynda 25 shildede +44,1°S boldy, bul kórsetkish óz kezeginde 2017 jylǵy osy kúnniń aldyńǵy rekordynan asyp tústi (+42,5°S).
Sondaı-aq, shilde aıynyń jekelegen kúnderinde, Qazaqstannyń soltústiginde, soltústik-batysynda jáne ortalyǵynda ekinshi onkúndiktiń ortasynda jáne aıdyń sońynda, eń tómengi aýa temperatýrasy tirkelip, rekord jańartyldy. Mysaly, 29 shilde kúni túnde Soltústik Qazaqstan oblysyndaǵy Rýzaevka meteorologııalyq stansııasynda aýa temperatýrasy +5,3°S qurady. Nátıjesinde osy túnniń aldyńǵy rekordy jańartyldy, ol 2020 jyly +7,7°S quraǵan edi.
Shildede temperatýra rekordynan basqa, qatty jel, daýyl, burshaq jáne naızaǵaı, qatty jańbyr sııaqty qolaısyz aýa-raıy oryn aldy. Bir aı ishinde respýblıka boıynsha 15-28 m/s ekpindi jel Dostyq, Esik, Úshtóbe syndy jekelegen aýdandarda 30-37 m/s deıin jetti.
7-8 shildede Aqtóbe meteorologııalyq stansııasynda 54,7 mm qatty jańbyr jaýdy. Aılyq norma 30 mm bolatyn. Al Úshtóbe meteorologııalyq stansııasynda dıametri 20 mm burshaq tústi.
Pavlodar oblysyndaǵy Aqjol meteorologııalyq stansııasynda jeldiń jyldamdyǵy 36 m/s, uzaqtyǵy 6 mınýt bolatyn daýyl tirkeldi.
Nur-Sultan qalasynda 2021 jyly eń joǵary aýa temperatýrasy 4 shildede tirkeldi. Bul kúni termometrler +37,8°S kórsetti. Osylaısha 1997 jyly oryn alǵan rekord jańartyldy. Sol kezde aýa temperatýrasy +37,5°S quraǵan bolatyn.
Bir aıda 44,3 mm (normadan 89%) jaýyn-shashyn tústi. Esterińizge sala ketsek, ornatylǵan norma 50 mm quraıdy.
