Ekonomıka • 10 Tamyz, 2021

Qazaqstanda júk tasymaldaý kólemi artty

135 ret kórsetildi

Bul týraly QR Indýstrııa jáne ınfraqurylymdyq damý mınıstrligi habarlady, dep jazady Egemen.kz.

2017 jyly Middle Corridor boıynsha tek 0,3 myń konteıner ótkizilgen. 2018 jyly taýar tasymaly 3,9 myń JFE-ge deıin ósti. 2019 jyly bul kólem taǵy 2 esege artyp, 7,4 myń konteınerdi qurady.

Eksporttyq júk tasymaldarynyń ósýine «QTJ» UK» AQ-tyń munaı ónimderin, dándi jáne burshaq daqyldaryn, mıneraldyq tyńaıtqyshtardy, kartop, et, qant, tústi jáne qara metal, maqta, ósimdik maıy, shıki qant, jańa pisken jemis-kókónis ónimderi, qus eti, toqyma, polıpropılendi, sondaı-aq konteınerlerdegi júkterdi О́zbekstanǵa jáne О́zbekstannan elimiz arqyly tranzıtpen tasymaldaýǵa qolaıly tarıftik jaǵdaılar usyný týraly sheshimi áser etti.

Pandemııanyń bastalýy Qaýymdastyq músheleriniń jospary men qurylǵan logıstıkalyq baılanystarǵa aıtarlyqtaı áser etti. Alaıda, konteınerlik tasymaldardyń ósýi osy kúrdeli jylda da toqtaǵan joq. О́tken jylmen salystyrǵanda 9% nemese 8,1 myń JFE artty.

2021 jyly THKB baǵytyndaǵy júk tasymaly qaıta jandandy. Birinshi jartyjyldyqta 7,4 myń konteıner tasymaldandy. Bul ótken jyldyń sáıkes kezeńnen 2,3 ese artyq.

Bes jyl ishinde, 2017 jyldan bastap 2020 jylǵa deıin baǵyt boıynsha 3,9 mln tonnadan astam syrtqy saýda júgi, onyń ishinde 20 fýttyq balamada 71 myń konteıner tasymaldandy. Onyń 2,1 mln tonnasy - eksporttalǵan Qazaqstan ónimderi.

Sońǵy jańalyqtar

Uqsas jańalyqtar