«2021 jyldyń 5 tamyzynda bilim berý nysandaryna qoldanylatyn jańa sanıtarlyq erejeler bekitildi. Bul erejeler: oqytý formattaryna, tamaqtandyrýdy uıymdastyrýǵa, korpýstardaǵy, aýdıtorııalardaǵy, sport jáne akt zaldarynyń tolýyna (jobalyq qýattyń 40-50 paıyzynan aspaıtyn), zerthanalyq, praktıkalyq jáne stýdııalyq sabaqtarǵa, sondaı-aq jataqhanalardaǵy bólmelerdiń toltyrylýyna qoıylatyn talaptardy qamtıdy», dedi Soı Úkimet otyrysynda.
Densaýlyq saqtaý mınıstrliginiń basshysy óz sózinde elimizde muǵalimder men mektep qyzmetkerlerin vaksınasııalaý aıaqtalǵanyn, 18 jáne odan joǵary jastaǵy stýdentterdi vaksınasııalaý bastalǵanyn aıtty.
«Qoldanystaǵy zańnama men epıdemıologııalyq jaǵdaıdy eskere otyryp, mektepterde dástúrli oqytý formatyna kóshý, qalpyna keltirilgennen keıin úsh aı ishinde aýyryp jazylǵan, turaqty medısınalyq qarsy kórsetilimderi bar adamdardy qospaǵanda, muǵalimder men qyzmetkerlerdi 100 paıyz vaksınalaýdan keıin múmkin bolady. Oń tájirıbeni eskere otyryp, ınfeksııa juqtyrǵandardy, vaksına almaǵan jáne pedagogter, qyzmetkerler men ata-ana qataryndaǵy baılanysta bolǵan adamdardy baqylaý maqsatynda mektepterge kirgen kezde Ashyq qosymshasyn paıdalaný oryndy dep usynamyz», dep tolyqtyrdy Soı.
