Aımaqtar • 11 Tamyz, 2021

Almatyda kólik salyǵyn «Sergek» kamerasy arqyly anyqtaýda

92 ret kórsetildi

Almaty qalasy boıynsha Memlekettik kirister departamenti jeke tulǵalardyń salyq boıynsha qaryzyn óndirip alý úshin megapolıs kóshelerinde polısııa qyzmetkerleri jáne jeke sot oryndaýshylarymen birlesip reıd júrgizip jatyr, dep habarlaıdy Egemen.kz.

Almaty qalalyq Polısııa departamentiniń málimetinshe, birlesken is-sharany ótkizý barysynda «Sergek» kamerasymen «Chevrolet Tahoe» markaly avtokólik tirkeldi, onyń qaryzynyń somasy 1,1 mln tenge. «Atalǵan kólik ustalyp, aıyppul turaǵyna jetkizildi. Reıd jyl sońyna deıin jalǵasatyn bolady», dep atap ótti polısııadan.

Jalpy Almaty qalasy boıynsha jeke tulǵalardyń kólik quraldaryna salynatyn salyq boıynsha beresheginiń jalpy somasy - 4,2 mlrd teńge. О́z kezeginde sot oryndaýshylary banktik shottarǵa tyıym salý, múlikti ıelikten shyǵarý, sondaı-aq elden tys jerlerge kóshý quqyǵyn shekteý týraly sheshim qabyldaýy múmkin. Budan basqa, boryshkerler áleýmettik tólemder nemese járdemaqylar, sondaı-aq bilim berý depozıtterin alý úshin qajetti shottardan basqa shottar asha almaıdy. Sondaı-aq jeke tulǵalarǵa menshik salyqtary boıynsha ózderiniń salyq mindettemelerin ótemegen jaǵdaıda zańnamada belgilengen merzimde ósimpul esepteledi.

Jeke tulǵalarǵa kólik salyǵyn tóleý merzimi esepti salyq kezeńinen keıingi jyldyń 1 sáýirinen keshiktirmeı, ıaǵnı 2020 jyl úshin 2021 jyldyń 1 sáýirine deıin tóleýi tıis.

Salyqtardy E-Salyq Azamat mobıldi qosymshasy, Egov portaly arqyly, Qazposhta bólimshelerinde, sondaı-aq ekinshi deńgeıdegi bankterdiń mobıldi qosymshasy arqyly tóleýge bolady.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Uqsas jańalyqtar