Shyǵys Qazaqstan oblysynyń polıseıleri alaıaqtyqqa qarsy respýblıkalyq jedel-profılaktıkalyq is-shara barysynda ınternet qoldanýshylaryn aldap, aqsha jymqyrǵan eki turǵyndy ustady.
Vedomstvonyń málimetinshe, kúdiktilerdiń biri OLX veb-saıtyna sońǵy úlgidegi oıyn prıstavkasyn tómen baǵada satý týraly jalǵan jarnama salǵan. Qyzyǵýshylyq tanytqan azamattarǵa satyp alǵysy keletinderdiń kóptigin aıtyp, aldyn ala tólem suraǵan. Aqshany alǵn soń telefon nómirin birden buǵattap tastaǵan. Osylaısha ol elimizdiń ár óńirinde turatyn 9 azamattan aqsha alǵan.
Ekinshi kúdikti ınternette nesıe alýǵa kómektesetini týraly jarnama jarııalaǵan. Kómek surap habarlasqandardan barlyq qajetti qujatty alyp, solardyń atynan onlaın nesıe rásimdegen. Túsken aqshasy ózi alyp otyrǵan.
Búginde tártip saqshylary onyń zańsyz áreketinen zardap shekken 12 azamatty anyqtady.
«Kúdiktilerdiń áreketi QR Qylmystyq kodeksiniń 190-baby, 2-bóligi boıynsha qaralyp jatyr. 5 jylǵa deıin bas bostandyǵynan aıyrý jazasy qarastyrylǵan. Ekeýi de ýaqytsha ustaý ızolıatoryna qamaldy, tergeý jalǵasýda», dedi ShQO Polısııa departamentiniń bastyǵy Saǵat Mádıev.
