Bul týraly Euronews agenttigi málimdedi.
Aljır eliniń soltústigindegi Tızı-Ýzý jáne Bedjaıa provınsııalarynda tabıǵı apat kem degende 69 adamnyń ómirin qıyp ketti, sonyń ishinde 28-i – áskerıler. Beısenbi kúni elde aza tutý jarııalandy.
Orman órti Italııada da órship tur. Keshe munda Eýropa úshin rekordtyq temperatýra – Selsıı boıynsha 48,8 gradýs tirkelgen. Ásirese Kalabrııa aımaǵy men Sısılııa aralyndaǵy jaǵdaı kúrdeli, ondaǵy Etna janartaýynyń bókterinde jáne Palermoǵa jaqyn ornalasqan Madonıe taýlaryndaǵy aǵashtar otqa oranýda.
Tehnık mamandar Grekııanyń Evbeıa aralynda elektr tasymaldaý jelilerin qalpyna keltirip jatyr. Aımaqta kóptegen jalyn oshaqtary sóndirildi, alaıda araldyń soltústik bóligi áli de jaryqsyz otyr. Mundaǵy alyp qaraǵaılardan túk qalmady, záıtún, injir jáne júzim plantasııalary joıylǵan.
Al Chernogorııada orman órti IýNESKO-nyń Dúnıejúzilik murasy tizimine kirip otyrǵan Dýrmıtor ulttyq saıabaǵyna deıin jetti. Jalyn Tara ózeni janyndaǵy shatqalda jyldam taralyp keledi.
