Aımaqtar • 14 Tamyz, 2021

Almatyda órt shyǵyp, 13 otbasy baspanasyz qaldy

202 ret kórsetildi

Almaty qalalyq Tótenshe jaǵdaı departamentiniń málimetinshe, 13 tamyzda túngi saǵat 02: 58-de «101» pýltine Jetisý aýdany, Aqtolqyn kóshesi №12 úıdiń janyp jatqany týraly habarlama kelip tústi. Bul týraly vedomstvanyń baspasóz qyzmeti habarlady, dep jazady Egemen.kz.

 «TJD kúshteri men quraldary joǵary dárejedegi shaqyrtý boıynsha jiberildi. Belgilengen normatıvtik ýaqyt boıynsha (8 mınýtta) oqıǵa ornyna jetkende, 2-qabatty turǵyn úıdiń jalpy aýdany 300 sharshy metr ashyq jalynmen janyp jatqanyn anyqtaǵan. О́rttiń tez taralýyna 1943 jyly salynǵan ǵımarattyń aǵash qurylymy (aǵash qalqalar, aǵash tóbe jabyndylary) yqpal etti. Turǵan úıdiń barlyq qabattarynda qoıý tútinnen evakýasııa joldary jabylyp, turǵyndardyń ómiri men densaýlyǵyna qaýip tóndi», dep habarlady vedomstvanyń baspasóz qyzmeti.

О́rttiń shyǵý sebebin tekserý Almaty qalasynyń ákimi Baqytjan Saǵyntaevtyń jeke baqylaýynda.

«13 otbasy baspanasyz qaldy, onyń jeteýi týystarynyń úılerinde. Alty otbasynyń 23 múshesi ýaqytsha qonaqúılerge ornalastyrylǵan. Baqytjan Saǵyntaevtyń tapsyrmasy boıynsha olarǵa barlyq qajetti kómek kórsetilip jatyr, onyń ishinde gıgıena buıymdary men taǵam bar. Mektep jasyndaǵy balalarǵa oqý jylyna daıyndalýǵa kómek kórsetiledi», dep habarlady ákimdikten.

О́rttiń shyǵý sebepteri anyqtalyp, komıssııa qorytyndysy shyqqan soń turǵyndarynyń baspana máselesi boıynsha sheshim qabyldanatyn bolady.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar