Álem • 14 Tamyz, 2021

AQSh Aýǵanstanǵa ásker jiberedi

212 ret kórsetildi

AQSh Aýǵanstandaǵy jaǵdaıǵa alańdaýly. Osyǵan baılanysty Pentagon amerıkandyq dıplomattardy evakýasııalaý úshin Kabýlǵa qosymsha kúsh jiberiletinin málimdedi, dep habarlaıdy Egemen.kz TASS agenttigine silteme jasap.

Foto: REUTERS/Omar Sobhani

Pentagon ókili Djon Kırbı: «Áskerdiń negizgi bóligi demalys kúniniń sońyna deıin kelýi kerek», dedi.

Kırbıdiń aıtýynsha, AQSh eldegi qaýipsizdik jaǵdaıyna baılanysty áskerı sheshimin retteýge daıyn.

«Eger qandaı da bir baǵytta ózgeris engizý qajet bolsa, biz ony jasaımyz. Biraq bul qaýipsizdik jaǵdaıyna tikeleı baılanysty bolady», dedi ol.

Sondaı-aq, AQSh memlekettik hatshysy Entonı Blınken men Pentagon basshysy Lloıd Ostın Aýǵanstan prezıdenti Ashraf Ǵanıǵa AQSh-tyń el qaýipsizdigin qoldaýdy jalǵastyratynyn aıtty.

BUU Bas hatshysy Antonıý Gýterrısh Aýǵanstandaǵy jaǵdaıdyń nasharlaǵanyn málimdedi. «Aýǵanstan baqylaýdan shyǵyp bara jatyr», dedi ol.

Gýterrıshtiń aıtýynsha, tek ótken aıda ǵana qaqtyǵys saldarynan myńnan astam adam qaza taýyp, jaralandy. 241 000 adam úıin tastap ketýge májbúr boldy.

Sońǵy jańalyqtar

Kentaý qalasynyń ákimi taǵaıyndaldy

Taǵaıyndaý • Búgin, 20:30

Dollar arzandady

Ekonomıka • Búgin, 16:52

Qosshyda jańa mektep ashylady

Bilim • Búgin, 16:25

Almatyda esirtki tasymalynyń joly kesildi

Aımaqtar • Búgin, 14:55

Hamenova óz kinásin moıyndaǵan joq

Qoǵam • Búgin, 14:16

Qazaqstanda jylqy eti qymbattady

Qoǵam • Búgin, 14:02

Uqsas jańalyqtar