«Qyzyl aımaqtyń» qyzyqtary

Ashyq ornatqandarǵa shekteý bolmaıdy

Sonymen, 12 tamyzdan bastap Ashyq qosymshasyn qoldanatyn qo­ǵam­dyq tamaqtaný oryndaryna kún saıyn tańǵy 7.00-den túngi 2.00-ge deıin jumys isteýge ruqsat be­rildi. Qostanaılyqtardy qýant­qan taǵy bir jaǵymdy jańalyq, de­malys kúnderi qoǵamdyq kó­likter toqtamaıdy. Halyqqa qyz­­met kórsetý ortalyqtary men «Qaz­poshta» bólimsheleri de shek­teý­siz jumys isteıdi.

Ashyq jobasyna qatysatyn ashyq bazarlar senbi, jeksenbi kúnderi saǵat 10.00-den 17.00-ge deıin ashyq turady. Ashyq-y bar basseın, saýna, termopark jáne fıtnes-ortalyqtary qa­lyp­­ty keste boıynsha jumys is­­teıdi, alaıda akvaparkterge tur­­­ǵyndardy qabyldaýǵa tyıym sa­lynǵan.

Sondaı-aq saýda ortalyqtary da Ashyq qosymshasyn paıda­lan­­ǵan jaǵdaıda kúnuzaq qa­lyp­ty keste boıynsha jumys isteı beredi. Mundaı jeńildik oıyn-saýyq oryndaryna da be­ri­lip otyr. Basty shart – bári Ashyq qosymshasy arqyly kelý­shi­lerdiń mártebesin tekserip otyrýy kerek. Máselen, Ashyq ornatqan boýlıng-klýb, karaoke, bılıard zaldary saǵat 12.00-den tún jarymǵa deıin jumys isteı alady.

Alaıda bıznes-nysandardyń kóp­shiligine berilip jatqan múm­kindikten azyq-túlikke jatpaı­tyn taýarlar saýdasymen aınalysatyn shaǵyn dúkender qaǵylyp qalyp otyr. Olar bu­ryn­ǵysha 18.00-ge deıin ǵana ju­mys isteı alady.

Jalǵan qujat jarǵa jyqty

Ashyq-tan qashyp qutyla almaı­syń. Muny Qostanaı áýejaıynda jalǵan PTR-test nátıjesin kór­setken Lısakov qalasynyń tur­ǵyny dáleldep berdi. 61 jastaǵy turǵyn Mysyrǵa ushpaq bolǵan. Onyń COVID-19-ǵa tapsyrǵan test nátıjesiniń jalǵan ekeni áýe­jaıǵa ornatylǵan Ashyq qo­symshasy arqyly anyqtalyp otyr.

Qazir Lısakov qalasynyń turǵynyna qatysty Qylmystyq kodekstiń 385-babynda kórse­til­gen «Jalǵan qujattardy, mór­ta­bandardy, mórlerdi, blan­ki­lerdi, memlekettik poshta tólemi belgilerin, memlekettik nagradalardy qoldan jasaý, daıyndaý nemese ótkizý» boıynsha sotqa deıingi tergeý sharalary júrip jatyr.

Sonymen qatar taıaýda áleý­mettik jelide vaksınalaý pas­portyn satamyn degen habarlama qaldyryp, satyp alýshy aq­shasyn aýdarǵan soń, uıaly tele­fonyn sóndirip tastap otyr­ǵan Qostanaı qalasynyń 36 jastaǵy turǵyny ustaldy. Po­lısııanyń málimetinshe, qazir alaıaqqa qatysty sotqa deıingi tergeý jumystary aıaqtalyp, is sotqa jiberildi.

Mektepte vaksına qabyldaýǵa bolady

Qostanaı oblysyndaǵy se­­giz mektepte indetke qarsy vak­­sına egetin qosymsha pýnkt­­­­­ter ashyldy. Olar tamyzdyń 23-ine deıin jumys isteıdi. Qostanaıdaǵy №16, 17, 21, 25, 27, 29 mektepter men qalanyń irgesindegi Drýjba aýylynda ornalasqan bilim oshaǵynda vaksına qabyldaǵandar úshin termoparkke 150 abonement tosynsyı oınatylady.

Tosynsyı demekshi, buǵan deıin vaksına qabyldaǵan on shaq­ty qostanaılyq tamyz aıy­nyń basynda sý jańa iRhone 12 utyp alǵan edi. Jeńimpazdardy oblystyq densaýlyq saqtaý bas­qarmasy avtomatty tańdaý júıesi arqyly anyqtaǵan. Endi oblys ákimi Arhımed Muhambetov 1 ta­myzdan qazan aıyna deıin ekpe alǵan turǵyndardyń sý jańa jeńil kólik utyp alýǵa múm­­kindikteri bar ekenin aıtyp otyr. Al osy sý jańa kólikti shy­ǵaratyn «Saryarqaavtoprom» seriktestigi indetke qarsy vaksına qabyldaǵan jumysshylaryn «Sosnovyı bor» shıpajaıyna demalysqa jiberip jatyr.

Qostanaı oblysy