О́ńirlerdi óristi ister kútedi

Keshe Ortalyq kommýnıkasııalar qyzmetinde О́ńirlik damý mınıstri Bolat Jámishev Memleket basshysynyń taıaýdaǵy «Qazaqstan joly – 2050: bir maqsat, bir múdde, bir bolashaq» atty Qazaqstan halqyna joldaǵan Joldaýyna oraı brıfıng ótkizdi.

Keshe Ortalyq kommýnıkasııalar qyzmetinde О́ńirlik damý mınıstri Bolat Jámishev Memleket basshysynyń taıaýdaǵy «Qazaqstan joly – 2050: bir maqsat, bir múdde, bir bolashaq» atty Qazaqstan halqyna joldaǵan Joldaýyna oraı brıfıng ótkizdi.

Oǵan mınıstrdiń eki orynbasary Q.О́skenbaev pen S.Ju­manǵarın de qatysyp otyrdy. О́ńirlik damý mınıstri Jol­­daý­dyń mańyzdylyǵyn tilge tıek etip, onyń birqatar bólim­derine arnaıy toqtalyp ótti. «Joldaýda kásipkerlikti damy­týǵa basymdyq berilgen. Ásirese, orta jáne shaǵyn bızneske qol­daý kórsetip, onyń órken jaıýy­na múmkindik jasaý sharasy py­syq­talǵan. Ol úshin О́ńirlik damý mınıstrligi birqatar isterdi qol­ǵa alyp, júzege asyrý joldary qarastyrylyp jatyr. Atap aıtqanda, Parlamentke «Ruq­sattar men habarlamalar týraly» zań jobasy engizildi. Ol boıynsha 9 kodeks pen 74 zańǵa ózgerister men tolyqtyrýlar engiziledi. Nátıjesinde jaǵymdy bıznes-ahýal ornyǵady degen úmit bar», dedi B.Jámishev.

Mınıstrdiń sózine qaraǵanda, kásipkerlerdiń erkin jumys istep, sharýasyn keńeıtýlerine kóptegen tekserýler men keder­giler bar kórinedi. Ondaı keleń­­sizdikterdiń jolyn kesý sha­ra­lary ózgertilgen já­ne to­lyq­tyrylǵan zańda qaras­ty­ry­lypty. Endigide barlyq rásim­der men talaptar Úkimet qaýly­lary­nyń deńgeıinde bekitiletin bola­dy eken. Munymen qa­tar, kásipkerlik qyzmetti mem­le­ket­tik retteýdiń 2020 jylǵa deıingi tujyrymdamasy da jasa­lypty. Endi ony bekitý maq­satynda Memleket basshy­sy Jarlyǵynyń jobasy ázir­lenipti. Osynaý zańdar men tu­jyrymdamalardy daıyndaýǵa atalǵan mınıstrlikpen qatar, jaýapty vedomstvolar men Ulttyq kásipkerler palatasy da atsalysypty.

– Mınıstrliktiń qazirgi at­qaryp jatqan jumystarynyń bári Elbasynyń atalǵan Jol­daýy­nan kórinis taýyp jatqa­ny­na ózderińiz kóz jet­kizip otyr­syzdar. Memleket bas­shysy 2050 jylǵa qaraı Qazaq­stan halqynyń 70 paıyzy qalalarda turatynyn aıtty. Máselen, bizdiń elge geo­grafııalyq jaǵynan uqsas Avs­tralııa men Kanadada solaı. Buıyrt­sa, qazirgi qolǵa alyp jat­qan jumystarymyz jemisti bol­sa, bolashaqta halyqtyń 35 paıy­zy turǵyndary 2 mıllıonnan asatyn qalalarda turýy tıis. Elba­sy aıtqandaı, bul oryndalmas arman-qııal emes, áreket etken qandaı da qoǵam qol jetkize alatyn naqty maqsat, dedi mınıstr.

Memleket basshysynyń Jol­daýynda júktelgen tapsyrmalar men usynystardyń О́ńirlik damý mınıstrligine qarastylaryn to­lyq saralap, olardy oryndaý joldaryn baıandaǵan B.Já­mi­shev, jýrnalısterdiń qoıǵan suraqtaryna da jaýap berdi.

Nurbaı ELMURATOV,

«Egemen Qazaqstan».