Oqıǵa • 18 Tamyz, 2021

Pavlodarda kúıeýi órtep jibergen áıel qaıtys boldy

3820 ret

kórsetildi

1 mın

oqý úshin

Otbasylyq janjal kezinde kúıeýi órtep jibergen áıel qaıtys boldy, dep habarlaıdy Egemen.kz.

Gaýhar QAPASh

Pavlodarda kúıeýi órtep jibergen áıel qaıtys boldy

Pavlodar oblysynyń turǵyny aýyr dárejedegi kúıikpen aýrýhanaǵa jetkizilip, birden jansaqtaý bólimine túsken. Dárigerler jábirlenýshiniń jaǵdaıyn birden aýyr dep baǵalady. Onyń jaǵdaıy sońǵy kúnderi nasharlap ketkenin aıtty.

«Naýqas úshinshi dárejeli kúıikpen tústi. Onyń beti, qoldary, denesi kúıgen. Denesiniń 50 paıyzy zaqymdanǵan. Jaǵdaıy nasharlaǵannan keıin jasandy tynys alý apparatyna qosyldy. 17 tamyzda tústen keıin áıel qaıtys boldy», dedi oblystyq Densaýlyq saqtaý basqarmasynyń baspasóz qyzmetindegiler.

Buǵan deıin jábirlenýshi kisi óltirý áreketi bolǵany týraly aryz jazýdan bas tartqan.

Eske salaıyq, 9 tamyzda erli-zaıypty arasyndaǵy janjal bastalǵan. Kúıeýi mas kúıinde kóligimen ketýge tyrysqanda áıeli ony toqtatpaq bolǵan. Janjal barysynda kúıeýi tońazytqyshtan spırt alyp jubaıyna quıyp, ot jaǵyp jibergen.

Polıseıler densaýlyqqa qasaqana zııan keltirý baby boıynsha sotaldy tergeýdi bastady. Erli-zaıypty kámeletke tolmaǵan úsh bala tárbıelep otyr. Jergilikti turǵyndar bul otbasynan buryn jaǵymsyz minez-qulyq baıqamaǵanyn, bolǵan jaǵdaıǵa tańǵalǵandaryn aıtty.