Bul týraly Y.Altynsarın atyndaǵy Ulttyq bilim akademııasynyń prezıdenti Ǵanı Beısembaev Ortalyq kommýnıkasııalar qyzmetinde ótken pedagogterdiń Respýblıkalyq tamyz konferensııasynyń plenarlyq sessııasynda málimdedi.
«Y.Altynsarın atyndaǵy Ulttyq bilim akademııasy pedagogterge kómek retinde Jazǵy mektepti uıymdastyrý boıynsha ádistemelik ázirlenimder daıyndady jáne qosymsha onlaın Jazǵy mektep jumysyn uıymdastyrdy. Osy oraıda negizgi 7 oqý pániniń (qazaq tili, aǵylshyn tili, matematıka, Qazaqstan tarıhy, hımııa, fızıka) kúrdeli taqyryptary boıynsha 24 onlaın-sabaq ázirlep, YouTube arnasyna júktedi. Búgingi kúni jalpy kórilim sany 25 myńnan asty. Sondaı-aq, tamyz konferensııasy aıasynda 9700 bastaýysh muǵalimderine kúrdeli taqyryptardy túsindirý boıynsha 6 semınar ótkizildi», dedi tamyz konferensııasynyń plenarlyq sessııasynda Ǵ.Beısembaev.
Sondyqtan Akademııa ǵalymdary jańa oqý jylynda da osy jumysty jalǵastyryp, osy baǵytta ǵylymı zertteý júrgizýdi josparlap otyr.
«Kovıdten keıingi kezeńde oqytý prosesin beıimdeý úshin oqýshylardyń bilimindegi kemshin tustaryndaǵy olqylyqtardyń ornyn toltyrý óz jalǵasyn beredi. Atap aıtqanda, sabaqtyń 45 mınýt uzaqtyǵy qaıtarylady, muǵalimderdiń sabaq júktemesi 18 saǵattan 16 saǵatqa deıin azaıtylady, bıylǵy oqý jyly da «Jazǵy mektep» jumysy uıymdastyrylady», dedi Ǵanı Beısembaev.
