«Iývenaldyq polısııa ýchaskelik ınspektorlary saǵat 22.40-ta «Tekıla» klýbynda júrgen 22 kámelet jasqa tolmaǵan jasóspirimdi anyqtap, polısııaǵa jetkizdi. Olar salynǵan tyıymǵa qaramastan klýbta dosynyń týǵan kúnin atap ótpek bolǵan», dedi elordalyq polısııa departamentiniń baspasóz qyzmeti.
Olardyń zańdy ókilderimen profılaktıkalyq áńgime júrgizilip, QR Ákimshilik kodeksiniń 442-baby boıynsha ákimshilik quqyq buzýshylyq týraly hattama toltyryldy. Jasóspirimderdiń oıyn-saýyq oryndarynda júrgeni úshin olardyń ata-anasymen birge kóńil-kóterý oryndarynyń ıesi de jaýapqa tartylady.
Ǵımarat ıesine qatysty materıal jınaqtalyp, ákimishilik jaýapqa tartý úshin ýákiletti organǵa jiberildi.
