SQO densaýlyq saqtaý basqarmasy baspasóz qyzmetiniń málimetinshe, oblysta koronavırýs juqtyrǵan balalardyń sany 1 082-ge jetti. Bul esepke týǵanyna nebári 28 kún tolǵan sábıler men 18 jasqa deıingi balalar alynǵan. Qaýipti ınfeksııa juqtyrǵan balalardyń 842-si emdelip shyqsa, 225-i dárigerlerdiń qaraýynda. Sonyń ishinde 27-si ınfeksııalyq stasıonarda em alyp jatyr.
«Buryn balalar koronavırýsty juqtyrǵanda kóp jaǵdaıda aýrýdyń belgisi bilinbeıtin. Qazir aýyryp, em alyp jatqandardań jaǵdaılary ortasha. Olar aýrýhanaǵa qatty dene qyzýymen, dem ala almaı túsedi. Sol sebepti saqtanyp júrýge, qoǵamdyq oryndarǵa barmaýǵa keńes beremiz», deıdi SQO kópbeıindi balalar aýrýhanasynyń bas dárigeri Oleg Zavıalov.
SQO-da ótken táýlikte 166 adam koronavırýs juqtyrsa, sonyń 16-sy – 18 jasqa deıingi bala. 38-i úı karantınine jiberildi. Jalpy pandemııa bastalǵaly 1 jasqa deıingi 17 sábı aýyrǵan. 1-3 jastaǵy 45 jáne 3-5 aralyǵyndaǵy 19 bala juqtyrǵan.
