ShQO Tótenshe jaǵdaılar departamenti baspasóz qyzmetiniń málimetine súıensek, órt sóndirý kóliginiń qozǵalysyna kedergi keltiretinderdi jaýapqa tartý maqsatynda arnaıy reıd júrgizildi.
«О́rt sóndirýshiler ǵımarattar men turǵyn úılerdegi qyzyl jalyndy aýyzdyqtaýǵa attanǵanda kólikterdiń barar joldy bógep turýy kóp kedergi keltiredi. Osyǵan baılanysty polıseıler men qutqarýshylar Semeı qalasyndaǵy kópqabatty turǵyn úılerdiń aýlalaryna reıdke shyqty. Shara barysynda 5 júrgizýshi QR ÁQBtK-niń 597-baby 3-bóligi (Kólik quraldaryn toqtatý nemese toqtap turý qaǵıdalaryn buzý) boıynsha jaýapqa tartyldy», delingen aqparatta.
