Qujatqa sáıkes, Qazaqstanda jergilikti ózin-ózi basqarýdy damytý jáne onyń organdarynyń qyzmeti mynadaı qaǵıdattarǵa negizdeledi:
1) azamattardyń jergilikti mańyzy bar máseleler boıynsha sheshimder qabyldaý prosesine qatysýy jáne olardyń oryndalýyn baqylaýdy júzege asyrý úshin jaǵdaılardy qamtamasyz etý;
2) halyqtyń pikirin eskerý;
3) jergilikti ózin-ózi basqarý organdarynyń saılanbalyǵy;
4) zańdylyq;
5) jergilikti ózin-ózi basqarý organdarynyń jergilikti halyq aldyndaǵy búkpesizdigi, ashyqtyǵy jáne eseptiligi;
6) jergilikti ózin-ózi basqarý organdarynyń uıymdastyrýshylyq, ekonomıkalyq jáne qarjylyq derbestigi;
7) jergilikti ózin-ózi basqarý jáne memlekettik basqarý organdarynyń fýnksııalar men ókilettikterdiń arajigin ajyratý, eldiń qalalyq jáne aýyldyq eldi mekenderin damytý úshin yntymaqtastyǵy men ózara jaýapkershiligi negizinde ózara is-qımyl jasaýy;
8) jergilikti mańyzy bar máselelerdi sheshý kezinde jalpy memlekettik múddelerdi saqtaý;
9) memleket tarapynan jergilikti ózin-ózi basqarýdy qoldaý.
Negizgi kútiletin nátıjeler:
1) 2023 jyly - jergilikti ózin-ózi basqarý sapasyndaǵy qoǵamdyq qatynastardy, jergilikti ózin-ózi basqarý organdaryn qurý jáne olardyń qyzmeti máselelerin retteıtin "Qazaqstan Respýblıkasyndaǵy jergilikti ózin-ózi basqarý týraly" Qazaqstan Respýblıkasynyń Zańyn qabyldaý;
2) 2021 jyldyń ekinshi jartyjyldyǵynan 2025 jyldyń birinshi jartyjyldyǵyna deıin - aýyldyq okrýgterdiń 2,5 myń ákimin 2021
2025 jyldar ishinde jergilikti turǵyndardyń tikeleı daýys berýi arqyly qaıta saılaý;
3) 2024 jyldan bastap - barlyq aýyldyq okrýgterde ókildi organnyń Keńestiń jumys isteýi;
4) 2022 jyly - barlyq deńgeıdegi máslıhattardy otyrystardyń onlaın-translıasııasymen qamtý;
5) 2024 jyldan bastap - oblystarda aýdan ákimderin tikeleı saılaýdy engizý;
6) 2025 jylǵa qaraı jergilikti ózin-ózi basqarý organdarynyń ınternet-resýrstaryn qurý;
7) 3,5 myń aýyldyq eldi mekende (tirek jáne spýtnıktik) ınfraqurylymdy óńirlik standarttardyń parametrlerine deıin jetkizý.
Joǵaryda kórsetilgen sharalardy iske asyrý 2025 jylǵa qaraı óńirlerdiń aýmaqtyq, ekonomıkalyq, áleýmettik jaǵdaılaryna sáıkes keletin, sondaı-aq turǵyndar men tutas memlekettiń múddelerine jaýap beretin jergilikti ózin-ózi basqarýdyń jańa modelin qalyptastyrýǵa múmkindik beredi.
