BJZQ-da keminde 5 jyl bolǵan erikti zeınetaqy jarnalary esebinen tólemderdi alý úshin salymshylar enpf.kz saıty arqyly ótinish bere alady.
«Kórsetiletin qyzmetterdiń sapasyn arttyrý, turǵyndardyń ýaqyttaryn únemdeý maqsatynda BJZQ keminde bes jyl erikti zeınetaqy jarnalary men olarǵa eseptelgen ınvestısııalyq tabys esebinen qalyptasqan zeınetaqy tólemderin qashyqtyqtan – BJZQ korporatıvtik saıtyndaǵy jeke kabınet arqyly taǵaıyndaý týraly ótinish berý múmkindigin iske asyrdy», delingen habarlamada.
Osylaısha, enpf.kz saıtyndaǵy jeke kabınette zeınetaqy tólemderin taǵaıyndaý týraly ótinish berý qyzmeti usynylady:
- Mindetti zeınetaqy jarnalary jáne (nemese) mindetti kásiptik zeınetaqy jarnalary esebinen: merzimsiz ýaqytqa 1 nemese 2 toptaǵy múgedektigi bar adamdarǵa;
- EZJ esebinen: - 50 jasqa tolǵan tulǵalarǵa; - múgedektigi bar adamdarǵa;
- EZJ somasy jáne olarǵa eseptelgen ınvestısııalyq tabys sheginde zeınetaqy jınaqtary bar, BJZQ-da keminde bes jyl bolǵan tulǵalarǵa.
О́tinish berý úshin alýshylardyń elektrondyq sıfrlyq qoltańbasy bolýy qajet.
Erikti zeınetaqy jarnalary - salymshylardyń nemese alýshylardyń óz bastamasy boıynsha BJZQ-ǵa salatyn aqshasy. Olardy jeke tulǵalar da, zańdy tulǵalar da úshinshi tulǵanyń paıdasyna engize alady. Bul rette EZJ mólsheri men tóleý kezeńdiligin jeke nemese zańdy tulǵa derbes belgileıdi.
